ଦାରିଙ୍ଗବାଡ଼ି :ଗୋପାଳପୁର ରାୟପୁର ୫୯ନମ୍ବର ଜାତୀୟ ରାଜପଥର ଗାଜଲବାଡି ଘାଟିର ଦୁଇ ନମ୍ବର ବୁଲାଣିରେ ଗତ ରାତିଠାରୁ ଏକ ହଳଦୀ ବୋଝେଇ ଟ୍ରକ ଫସି ରହିଛି । ବୁଲାଣିରେ ଟ୍ରକଟିର ଏକ୍ସଲ ଭାଙ୍ଗି ଯିବାରୁ ଟ୍ରକଟି ବୁଲାଣିରେ ରାସ୍ତା ମଝିରେ ରହିଯାଇଛି । ଯାହା ଫଳରେ ୫୯ ନମ୍ବର ଜାତୀୟ ରାଜପଥର ଦାରିଙ୍ଗବାଡ଼ି ଠାରୁ ବ୍ରହ୍ମପୁର ରାସ୍ତାରେ ଯାତାୟାତ ସମ୍ପୂର୍ଣ୍ଣ ବାଧାପ୍ରାପ୍ତ ରହିଛି । ରାସ୍ତାର ଉଭୟ ପାର୍ଶ୍ୱରେ ଅନେକ ଯାତ୍ରୀ ବାହୀ ବସ ସହିତ ଟ୍ରକ ଗୁଡ଼ିକ ଅଟକି ରହିଛି ଯାତ୍ରୀମାନେ ନିଜ ଗନ୍ତବ୍ୟ ସ୍ଥଳରେ ପହଞ୍ଚି ନପାରି ଘାଟି ମଧ୍ୟରେ ହନ୍ତସନ୍ତ ହେଉଥିବା ଜଣାପଡ଼ିଛି । ଟ୍ରକଟି ଦାରିଙ୍ଗବାଡ଼ିରୁ ହଳଦୀ ବୋଝେଇ କରି ବ୍ରହ୍ମପୁର ଯାଉଥିବା ବେଳେ ଘଟଣା ଘଟିଛି ।
