ଦଶପଲ୍ଲା : ନଦୀକୁ ଗାଧୋଇବାକୁ ଯାଇଥିବା ବୃଦ୍ଧାଙ୍କ ମିଳୁନି ପତ୍ତା । ଦୁଇ ଦିନ ଧରି ଖୋଜାଖୋଜି ଚାଲିଥିଲେ ମଧ୍ୟ ବୃଦ୍ଧାଙ୍କର କୌଣସି ସନ୍ଧାନ ମିଳିପାରିନି । ନୟାଗଡ଼ ସଦରଥାନା ଅନ୍ତର୍ଗତ ଖଣ୍ଡୁଗାଁ ଗ୍ରାମରେ ଜଣେ ବୃଦ୍ଧା ନିଖୋଜ ହୋଇଥିବା ନେଇ ପରିବାର ପକ୍ଷରୁ ଅଭିଯୋଗ ହୋଇଛି । ଗତ ସୋମବାର ଦିନ ୧୦ ଘଟିକା ସମୟରେ ଖଣ୍ଡୁଗାଁ ଗ୍ରାମର ବୃଦ୍ଧା ଲଷ୍ମୀ ଦାସ ବାଡ଼ିପଟେ ଥିବା ଡାହୁକା ନଦୀକୁ ଗାଧେଇବା ପାଇଁ ଯାଇ ଆଉ ଘରକୁ ଫେରିନଥିଲେ । ଫଳରେ ପରିବାର ପକ୍ଷରୁ ବହୁ ଖୋଜା ଖୋଜି କରି ନିରାଶ୍ ହେଲା ପରେ ନୟାଗଡ଼ ଅଗ୍ନିଶମ ବାହନୀକୁ ଖବର ଦେଇଥିଲେ । ତେବେ ଡାହୁକା ନଦୀରେ ହେଇଥିବା ଗଣ୍ଡ ଗୁଡିକ ଖୋଜା ଖୋଜି ଚାଲିଛି । ଘଟଣାକୁ ଦୁଇ ଦିନ ବିତିଯାଇଥିଲେ ସୁଦ୍ଧା ବୃଦ୍ଧାଙ୍କ କୌଣସି ସନ୍ଧାନ ମିଳିପାରିନାହିଁ ।
