ସୋନପୁର: ସୁବର୍ଣ୍ଣପୁରର ନୂତନ ଜିଲ୍ଲାପାଳ ଭାବେ ଆଜି ରାଜ୍ୟ ଯିଏ ବିଭାଗ ପକ୍ଷରୁ ଏକ ନିଯୁକ୍ତି ପ୍ରକାଶ ପାଇଛି । ରାଜ୍ୟ ପୂର୍ତ୍ତ ବିଭାଗର ସ୍ୱତନ୍ତ୍ର ସଚିବ ଥିବା ବିମଳେନ୍ଦୁ ରାୟ (ଓଏଏସ ସିନିଅର)ଙ୍କୁ ସୁବର୍ଣ୍ଣପୁର ଜିଲ୍ଲାପାଳ ଭାବେ ଆଜି ରାଜ୍ୟ ସରକାର ନିଯୁକ୍ତି ଦେଇଛନ୍ତି ।
ସୂଚନାଯୋଗ୍ୟ ଯେ ପୂର୍ବରୁ ସୁବର୍ଣ୍ଣପୁର ଜିଲ୍ଲାପାଳ ଥିବା ଅବୋଲି ସୁନିଲ ନରୱାଣେଙ୍କୁ ଝାରସୁଗୁଡ଼ା ଜିଲ୍ଲାପାଳ ଭାବେ ବଦଳି ହେବା ପରେ ଅତିରିକ୍ତ ଜିଲ୍ଲାପାଳ ସୂର୍ଯ୍ୟ ନାରାୟଣ ଦାଶଙ୍କୁ ଭାରପ୍ରାପ୍ତ ଜିଲ୍ଲାପାଳ ଭାବେ ନିଯୁକ୍ତି ମିଳିଥିଲା । ଶ୍ରୀ ରାୟ ସୁନ୍ଦରଗଡ଼ ଜ଼ିଲ୍ଲାର ଉପ ଜ଼ିଲ୍ଲାପାଳ ଭାବେ ଏବଂ ସମ୍ବଲପୁର ଜ଼ିଲ୍ଲାର ଭିନ୍ନ ପଦ ପଦବୀରେ ପୂର୍ବରୁ କାର୍ଯ୍ୟ କରି ଆସି ଥିବା ସୂଚନା ମିଳିଛି ।
