ପୁରୀ : ଗତକାଲି ପୁରୀ ଉପରମାଳିସାହି ତାତାମ୍ବରୀ ଆଖେଡା ମଠ ନିକଟରେ ପାରିବାରିକ କଳହରୁ ହତ୍ୟା ଘଟଣାରେ ୨ଜଣକୁ ଗିରଫ କରିଛି କୁମ୍ଭାରପଡା ଥାନା ପୋଲିସ । ଗତକାଲି ଅପରାହ୍ନ ସମୟରେ ପୁରୀ ଉପରମାଳିସାହି ସ୍ଥିତ ତାତାମ୍ବରୀ ଆଖେଡା ମଠ ନିକଟରେ ନୃସିଂହ ମହାନ୍ତି ନିଜ ସ୍ତ୍ରୀ, ଶାଶୁ, ଦେଢ଼ଶାଶୁ, ସଢୁ ଏବଂ ପୁତୁରାକୁ ଏକ ଧାରୁଆ ଛୁରୀ ଦ୍ୱାରା ଆକ୍ରମଣ କରିଥିଲା, ଯାହାଫଳରେ ୪ଜଣ ଆହତ ହେବା ସହ ଘଟଣା ସ୍ଥଳରେ ପୁତୁରା ସୌମ୍ୟରଞ୍ଜନ ପ୍ରଧାନଙ୍କ ବେକାର ଗଭୀର ଆଘାତ ଲାଗିବା ହେତୁ ତାଙ୍କର ମୃତ୍ୟୁ ଘଟିଥିଲା । ଏହି ଘଟଣାରେ ମୁଖ୍ୟ ଅଭିଯୁକ୍ତ ନୃସିଂହ ମହାନ୍ତି ଓରଫ ପୋଡା ସୋନୁ ଏବଂ ତାଙ୍କ ଭାଇ କାଶୀନାଥ ମହାପାତ୍ରଙ୍କୁ ଗିରଫ କୋର୍ଟ ଚାଲାଣ କରିଛି କୁମ୍ଭାରପଡା ଥାନା ପୋଲିସ । ତେବେ ପୂର୍ବରୁ ନୃସିଂହ ମହାନ୍ତି ଏବଂ ପତ୍ନୀ ଙ୍କ ମଧ୍ୟରେ ବିବାଦ ଲାଗିଥିବା ବେଳେ ଗତକାଲି ନୃସିଂହଙ୍କ ଶାଶୁ ଘର ଲୋକେ ବୁଝାମଣା କରିବାକୁ ଯାଇଥିବା ବେଳେ ସେଠାରେ ଝଗଡା ହେବା ସହ ନୃସିଂହ ଉତକ୍ଷିପ୍ତ ହୋଇ ଏକ ଧାରୁଆ ଛୁରୀରେ ଆକ୍ରମଣ କରିଥିଲେ, ଯେଉଁଥିରେ କି ଜଣଙ୍କର ମୁତ୍ୟୁ ହେବା ସହ ଅନ୍ୟ ୪ଜଣ ଆହତଙ୍କ ମଧ୍ୟରୁ ଦୁଇ ଜଣ ପୁରୀ ରେ ଚିକିତ୍ସିତ ହେଉଥିବା ବେଳେ ଅନ୍ୟ ଦୁଇଜଣ ଏବେ ଭୁବନେଶ୍ୱର ସ୍ଥିତ ଏମ୍ସ ହସ୍ପିଟାଲରେ ଚିକିତ୍ସିତ ହେଉଛନ୍ତି ।
