ବାଲିଗୁଡା: କୋଟଗଡ଼ ଥାନାରେ ଜଣେ ୧୧ ବର୍ଷର ନାବାଳିକାକୁ ବଳତ୍କାର କରିଥିବା ଲିଖିତ ଅଭିଯୋଗ ହୋଇଛି । ଅଭିଯୋଗକୁ ଭିତ୍ତିକରି ଅଭିଯୁକ୍ତକୁ ଗିରଫ କରିଛି ପୋଲିସ । ସୂଚନାରୁ ପ୍ରକାଶ ଯେ କୋଟଗଡ ଥାନା ଅନ୍ତର୍ଗତ ପକାରି ପଂଚାୟତରେ ଜଣେ ନାବାଳିକା ତାଙ୍କ ଘରେ ଟିଭି ଦେଖିବା ସମୟରେ ଜଣେ ଯୁବକ ଘରେ ପଶି ଜବରଦସ୍ତ ତାକୁ ବଳତ୍କାର ପାଇଁ ଉଦ୍ୟମ କରିଥିଲା । ଏହି ସମୟରେ ଝିଅର ବାପା ଦେହ ଖରାପ ଥିବାରୁ ସେ ମେଡିକାଲକୁ ଚିକିତ୍ସାପାଇଁ ଯାଇଥିଲେ । ପରେ ପରିବାର ଲୋକଙ୍କ ଠାରୁ ଖବରପାଇ ଗଡ଼ ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗକୁ ଭିତ୍ତିକରି ପୋଲିସ ଅଭିଯୁକ୍ତ ଶ୍ୟାମବର ବଳିଆରସିଂକୁ ଗିରଫ କରି କେସ ନମ୍ବର ୬୨ରେ ମାମଲାରୁଜୁ କରି କୋର୍ଟ ଚାଲାଣ କରିଥିବା ଥାନା ଅଧିକାରୀ ଲଳିତ ମୋହନ ସାଗର ସୂଚନା ଦେଇଛନ୍ତି ।
