ଜହ୍ନାପଙ୍କ: ବୌଦ୍ଧ ବ୍ଳକ ଖୁଣ୍ଟବନ୍ଧ ପଂଚାୟତ ଅନ୍ତର୍ଗତ ଚଣ୍ଡିଗଡ ବାବା ଗୁପ୍ତେଶ୍ୱର ଶୈବପୀଠରେ ଚାଲିଥିବା ନବାହ୍ନ ପାରାୟଣର ଆଜି ଷଷ୍ଠ ଦିନରେ ଆରଣ୍ୟକ କାଣ୍ଡ ପାରାୟଣ ଅନୁଷ୍ଠିତ ହୋଇଥିଲା । ଏଥିରେ ବ୍ୟାସ ଭାବେ ସୋନପୁର ଜିଲ୍ଲା ତେଲେଣ୍ଡା ଗ୍ରାମର ଗୋବର୍ଦ୍ଧନ ମିଶ୍ର ଦାୟିତ୍ୱ ତୁଲାଇଥିବା ବେଳେ ବଶିଷ୍ଠ ଭାବେ ସୁରେଶ ଚନ୍ଦ୍ର ପାଣିଗ୍ରାହୀ ପୂଜା କାର୍ଯ୍ୟ ସମ୍ପାଦନ କରିଥିଲେ । କର୍ତ୍ତାଭାବେ ସାରଥି ଦେହୁରୀ ଓ ତାଙ୍କ ଧର୍ମପତ୍ନୀ ଭାନୁମତି ଦେହୁରୀ ଦାୟିତ୍ୱ ତୁଳାଇ ଥିଲେ । ବାଦ୍ୟ ଯନ୍ତ୍ରରେ ତେଜରାଜ ଭୋଇ, ସତ୍ୟବାନ ବାଘ, ଗୋବିନ୍ଦ ଗଡ଼ତିଆ, ରଘୁନାଥ ପଣ୍ଡା ସହଯୋଗ କରିଥିଲେ । ମନ୍ଦିର କମିଟି ଓ ଚଣ୍ଡିଗଡ଼ ଗ୍ରାମବାସୀଙ୍କ ସହଯୋଗରେ ଏହି ନବାହ୍ନ ପାରାୟଣ ଅନୁଷ୍ଠିତ ହେଉଅଛି । ସୋମବାର ପାରାୟଣ ଉଦଯାପିତ ହେବ ବୋଲି କମିଟି ପକ୍ଷରୁ ସୂଚନା ମିଳିଛି ।
