ଜହ୍ନାପଙ୍କ: ବୌଦ୍ଧ ବ୍ଳକ ତେଲିବନ୍ଧ ପଂଚାୟତ ସ୍ଥାନୀୟ ଗ୍ରାମର ଅବସର ପ୍ରାପ୍ତ ପ୍ରଧାନଶିକ୍ଷକ ମନରଞ୍ଜନ ସାହୁ(୬୩)ଙ୍କ ଆଜି ପୂର୍ବାହ୍ନ ୧୧ଟା ସମୟରେ ପରଲୋକ ହୋଇଛି । ସେ ୧୯୫୯ ମସିହାରେ ଜନ୍ମଗ୍ରହଣ କରିଥିଲେ । ପ୍ରଥମେ ସେ ବ୍ରାହ୍ମଣୀପାଲି ପଂଚାୟତର ଜଡ଼ାପାଲ ପ୍ରାଥମିକ ବିଦ୍ୟାଳୟରେ ୧୯୮୭ ମସିହାରେ ଶିକ୍ଷକତା ଜୀବନ ଆରମ୍ଭ କରିଥିଲେ । ତା’ପରେ ତେଲିବନ୍ଧ ପଂଚାୟତର ଆନନ୍ଦପୁର ଉଚ୍ଚ ପ୍ରାଥମିକ ବିଦ୍ୟାଳୟ ଓ ଶେଷରେ ୨୦୦୪ ରୁ ୨୦୧୯ ମସିହା ପର୍ଯ୍ୟନ୍ତ ତେଲିବନ୍ଧ ପଂଚାୟତ ରାମପୁର ପ୍ରାଥମିକ ବିଦ୍ୟାଳୟରୁ ୩୧-୧୦-୨୦୧୯ରେ ଅବସର ଗ୍ରହଣ କରିଥିଲେ । ସେ ଦୀର୍ଘ ଦିନ ହେଲା ଅସୁସ୍ଥ ଥିଲେ ।ତାଙ୍କ ମୃତ୍ୟୁ ଖବର ଶୁଣି ଆତ୍ମୀୟ ସ୍ୱଜନ ଶେଷ ଦର୍ଶନ କରିଥିଲେ । ମୃତ୍ୟୁ ବେଳେ ତାଙ୍କ ଭାଇ, ବୋହୂ, ପରିବାରବର୍ଗ ଉପସ୍ଥିତ ଥିଲେ । ସ୍ଥାନୀୟ ଶ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା । ପୁଅ ରିଷଭ ସାହୁ ମୁଖାଗ୍ନି ଦେଇଥିଲେ ।
