ପୁରୀ : ବନ୍ଧୁକ ଦେଖାଇ ଦାଦାବଟି ମାଗିବା ଅଭିଯୋଗରେ ଟାଉନ ଥାନା ପୋଲିସ ଚୁଦଙ୍ଗାସାହି ମାତାଗୋସେଇଁ ଲେନ୍ର ସଲିଳ ଶତଦଳ ସୁବୁଦ୍ଧି,(ମିକୁନ)କୁ ଗିରଫ କରିଛନ୍ତି । ଅଭିଯୁକ୍ତଠାରୁ ଗୋଟିଏ ଦେଶୀ ପିସ୍ତଲ, ୨ଟି ମୋବାଇଲ, ଗୋଟିଏ କଟୁରୀ ଏବଂ ୩୦୦୦ଟଙ୍କା ଜବତ କରାଯାଇଛି । ସୋମବାର ସନ୍ଧ୍ୟାରେ ଅଭିଯୁକ୍ତ ଜଗନ୍ନାଥ ବଲ୍ଲଭ ପାର୍କିଂ ଆଉଟ୍ ଗେଟ୍ ରେ ଜନୈକ ପର୍ଯ୍ୟଟକଙ୍କ ଡ୍ରାଇଭରକୁ ମାରଣାସ୍ତ୍ର ଦେଖାଇ ଦାଦା ବଟି ମାଗିଥିଲା । ଏ ସମ୍ପର୍କରେ ଅଭିଯୋଗକୁ ଭିତ୍ତିକରି ଟାଉନ ଥାନା ପୋଲିସ ମିକୁନ୍ କୁ ଗିରଫ କରି କୋର୍ଟ ଚାଲାଣ କରିଛି ।
