ପୁରୀ : ପୁରୀ ଅବକାରୀ ଅଧିକ୍ଷକ ଜଗଦୀଶ ଚନ୍ଦ୍ର ସାମଲଙ୍କ ନିର୍ଦ୍ଦେଶକ୍ରମେ ପିପିଲି ଅବକାରୀ ଥାନା ଉପନିରିକ୍ଷକ ରଙ୍କନିଧି ମଲ୍ଲିକଙ୍କ ନେତୃତ୍ୱରେ ଏକ ଟିମ ପିପିଲି ଥାନା ଅଧୀନ ଜଗନ୍ନାଥପୁର ଛକରେ ଅବସ୍ଥିତ ଜଗନ୍ନାଥ ମନ୍ଦିର ନିକଟରେ ଚଢ଼ାଉକରୀ ପ୍ରଦୀପ୍ତ ସ୍ୱାଇଁ (୩୬)ଙ୍କୁ ଗିରଫ କରିଛନ୍ତି । ତାଙ୍କଠାରୁ ୯୬ ଗ୍ରାମ ବ୍ରାଉନ ସୁଗାର (ହେରୋଇନ )ଜବତ କରାଯାଇଛି । ଅଭିଯୁକ୍ତକୁ ପିପିଲି ଅବକାରୀ ଥାନା କେଶ ନମ୍ବର ୮୦ /୨୨-୨୩ରେ କୋର୍ଟ ଚାଲାଣ କରାଯାଇଥିବାବେଳେ ଜାମିନ ନାମଞ୍ଜୁର ହେବାରୁ ପୁରୀ କାରାଗରକୁ ପଠାଯାଇଛି । ସମୁଦାୟ ଜବତ ବ୍ରାଉନ ସୁଗାରର ମୂଲ୍ୟ ପ୍ରାୟ ୯,୬୦,୦୦୦ ଟଙ୍କାରୁ ଉର୍ଦ୍ଧ୍ୱ ହେବ । ଏହି ଚଢ଼ାଉରେ ଅବକାରୀ ଏସ୍ଆଇ ନାରାୟଣ ବେହେରା, ସ୍ୱୟଂପ୍ରଜ୍ଞା ଶୁଭଦର୍ଶନୀ ନାୟକ ଏବଂ ଅବକାରୀ କର୍ମଚାରୀ ଦୀନବନ୍ଧୁ ବାରିକ, ତପନ ପ୍ରଧାନ, ପ୍ରବୀନ ବିରାଜ କିରୋ, ଆଶିଷ ପ୍ରଧାନ ପ୍ରମୁଖ ସାମିଲ ଥିଲେ ।
