ପାଟଣାଗଡ: ବଲାଙ୍ଗିର ଜିଲା ପାଟଣାଗଡ କଣ୍ଟାବାଞ୍ଜି ମୁଖ୍ୟ ରାସ୍ତାରେ ଥିବା ଗଙ୍ଗାସାଗର ନିକଟରେ ସଡକ ଦୁର୍ଘଟଣାରେ ଉଭୟ ସ୍ୱାମୀ ଓ ସ୍ତ୍ରୀ ଗୁରୁତର । ଗୁରୁତର ଦମ୍ପତି ହେଲେ ଟିଟିଲାଗଡର ସାଥର୍କ ମିଶ୍ର ଓ ତାଙ୍କ ସ୍ତ୍ରୀ ସୀମା ମିଶ୍ର । ସ୍ୱାମୀ ସ୍ତ୍ରୀ ଦୁହେଁ ଏକ କାର ଯୋଗେ ପଦ୍ମପୁର ଯାଉଥିବା ସମୟରେ କଣ୍ଟାବାଞ୍ଜି ରାସ୍ତା ଗଙ୍ଗାସାଗର ନିକଟରେ ସାମ୍ନା ପଟୁ ଏକ ଦ୍ରୁତ ଗତିରେ ଆସୁଥିବା ବାଇକ ଆରୋହୀ ସହ ତାଙ୍କ ଧକ୍କା ହୋଇଥାନ୍ତା । ଏହି ସମୟରେ ବାଇକ ଆରୋହୀଙ୍କୁ ବଞ୍ଚାଇବାକୁ ପ୍ରୟାସ କରୁଥିବାବେଳେ କାରଟି ଭାରସାମ୍ୟ ହରାଇ ଓଲଟି ପଡିଥିଲା । ଘଟଣାରେ ସ୍ୱାମୀ ଓ ସ୍ତ୍ରୀ ଗୁରୁତର ହୋଇଥିଲେ । ଏନେଇ ଖବର ପାଇ ପାଟଣାଗଡ ଥାନାଧିକାରୀ ଅନନ୍ତ କୁମାର ପ୍ରଧାନ ପହଞ୍ଚି ଗୁରୁତରଙ୍କୁ ଡାକ୍ତରଖାନାକୁ ପଠାଇଥିଲେ । ପରେ ଅବସ୍ଥା ଅଧିକ ଗୁରୁତର ହେବାରୁ ବଲାଙ୍ଗିର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିବା ଜଣାପଡିଛି ।
