ପାରଳାଖେମୁଣ୍ଡି : ଗଡସ ସ୍ୱେଚ୍ଛାସେବୀ ଅନୁଷ୍ଠାନ ଓ ବୈଧ ମାପ ବିଜ୍ଞାନ ବିଭାଗ ଗଜପତିଙ୍କ ମିଳିତ ଆନୁକୂଲ୍ୟରେ କାଶୀ ନଗର ବ୍ଳକ ପୁରୁଟି ଗୁଡା ଗ୍ରାମଠାରେ ସ୍ୱୟଂ ସହାୟକ ଗୋଷ୍ଠୀର ମହିଳା ମାନଙ୍କୁ ନେଇ ଜାତୀୟ ଗ୍ରାହକ ଦିବସ ପାଳନ କରାଯାଇଛି । ଏହି କାର୍ଯ୍ୟକ୍ରମରେ ଦୁର୍ଯ୍ୟୋଧନ ପଟେଲ ଖଣ୍ଡାବା ଋଷିକୂଲ୍ୟା ବ୍ୟାଙ୍କର ମ୍ୟାନେଜର ଏବଂ ଟି.ରାଜେଶ କୃଷି ବିଭାଗର ଅଧିକାରୀ ଯୋଗ ଦେଇ ମହିଳାମାନଙ୍କୁ ଗ୍ରାହକ ଦିବସର ଅର୍ଥ,ଗ୍ରାହକର ଅଧିକାର ବିଭିନ୍ନ ସେବା ପାଇବା ସମୟରେ ସେମାନେ କିପରି ସତର୍କତା ଅବଲମ୍ବନ କରିବେ,ଗ୍ରାହକ ମାନେ ଠକାମିରେ ପଡିଲେ ଜିଲ୍ଲା ଗ୍ରାହକ ଅଦାଲତର ଭୂମିକା, ଗ୍ରାହକ ଅଦାଲତର ବିଭିନ୍ନ କାର୍ଯ୍ୟ ବିଷୟରେ ବୁଝାଇଥିଲେ । ଗଡସ ଅନୁଷ୍ଠାନ ର ସମ୍ପାଦକ ସୁନୀଲ ପାତ୍ର ଖାଉଟି ସୁରକ୍ଷା ଆଇନ ସମ୍ପର୍କରେ ଏବଂ ଜିଲ୍ଲା ବିବାଦ ପ୍ରତିକାର ମଞ୍ଚ ବିଷୟରେ ବୁଝାଇବା ସହ ଆଗାମୀ ଦିନରେ ଯଦି କେହି ସମ୍ବନ୍ଧରେ କିଛି ପରାମର୍ଶ ବା ସାହାଯ୍ୟ ଚାହିଁଲେ ଅନୁଷ୍ଠାନ ତରଫରୁ ସହଯୋଗ କରିବେ ବୋଲି ଜଣାଇଥିଲେ ଏହି କାର୍ଯ୍ୟକ୍ରମକୁ ଅନୁଷ୍ଠାନର କର୍ମକର୍ତ୍ତା ମାନେ ପରିଚାଳନା କରିଥିଲେ ।
