ଖପ୍ରାଖୋଲ : ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ୍ଠାରେ ପ୍ରାଥମିକ ଶିକ୍ଷକ ସଂଘ ତରଫରୁ ପୁରୁଣା ପେନସନ ବ୍ୟବସ୍ଥା ପ୍ରଚଳନ ଦାବିରେ ବିକ୍ଷୋଭ ଶୋଭାଯାତ୍ରା ସହ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଛନ୍ତି । ସ୍ଥାନୀୟ ପାର୍କଠାରୁ ସମସ୍ତ ଶିକ୍ଷୟତ୍ରୀ ଶିକ୍ଷକ ଏକତ୍ରିତ ହୋଇ ବିକ୍ଷୋଭ ଶୋଭାଯାତ୍ରାରେ ବିଭିନ୍ନ ସ୍ଲୋଗାନ ଦେଇ ବ୍ଲକ୍ ଶିକ୍ଷା ଅଧିକାରୀ ସମ୍ମୁଖରେ ପହଞ୍ଚି ପଥପ୍ରାନ୍ତ ସଭାରେ ସରକାର ଉପରେ ବର୍ଷିଥିଲେ । ୨୦୦୫ ରୁ ସରକାର ନୂତନ ପେନସନ ନୀତି ଲାଗୁକରିଥିବା ବେଳେ ଶିକ୍ଷକ ମାନେ କୌଣସି ଲାଭ ପାଉନାହାନ୍ତି । ଏପରିକି ନିଜ ଦରମାକୁ ବ୍ୟାଙ୍କରେ ନିବେଶ କରି ପେନସନ ହିସାବରେ ମାତ୍ର ଦୁଇହଜାର ଟଙ୍କା ମିଳୁଥିବା ଅଭିଯୋଗ କରିଥିଲେ । ଏହି ଅବସରରେ ବ୍ଲକ୍ ଶିକ୍ଷା ଅଧିକାରୀ ସୁରେନ୍ଦ୍ର କୁମାର ପୁରୋହିତଙ୍କୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରିଥିଲେ । ବ୍ଲକ୍ ଶିକ୍ଷକ ସଂଘ ସଭାପତି ସୁଶିଲ କୁମାର ପୋଢ଼, ସମ୍ପାଦକ ଗୋଲାପ ବିଶି, ସନ୍ତୋଷ ବାଗ, ସାବିତ୍ରୀ ସାହୁ , ସବିତା ମହରା , ଧରମ ସିଂ ଧରୁଆ, ଆକାଶ ମଣ୍ଡଳ, ନମିତା ମଣ୍ଡଳ ସମେତ ଶତାଧିକ ଶିକ୍ଷୟତ୍ରୀ ଶିକ୍ଷକ ଉପସ୍ଥିତ ଥିଲେ ।
