ଫୁଲବାଣୀ :- ଫୁଲବାଣୀ ପୋଲିସ ରିଜର୍ଭ ଗ୍ରାଉଣ୍ଡଠାରେ ଚାଲିଥିବା ସପ୍ତମ ସହିଦ କ୍ରିକେଟ ଟୁର୍ଣ୍ଣାମେଣ୍ଟରେ ଗୁରୁବାର ପୋଲିସ ଓ ବାଲିଗୁଡା ଏସଡ଼ିଏଏ ମଧ୍ୟରେ ଅନୁଷ୍ଠିତ ଫାଇନାଲ ମ୍ୟାଚରେ ପୋଲିସ ଟିମକୁ ୬୮ ରନରେ ପରାସ୍ତ କରି ବାଲିଗୁଡା ବିଜୟୀ ହୋଇଛି ।
ପୋଲିସ ଟିମ ଟସ ଜିତି ବାଲିଗୁଡାକୁ ବ୍ୟାଟିଂ କରିବାକୁ ନିମନ୍ତ୍ରିତ କରିଥିଲା । ବାଲିଗୁଡା ନିର୍ଦ୍ଧାରିତ ୨୦ ଓଭର ରେ ୭ ଉଇକେଟ ହରାଇ ୧୬୭ ରନ କରିଥିବା ବେଳେ ପୋଲିସ ଟିମ ସମସ୍ତ ଉଇକେଟ ହରାଇ୧୭.୧ ଓଭରରେ ମାତ୍ର ୯ ୭ ରନ କରିବାକୁ ସକ୍ଷମ ହୋଇଥିଲା । ବାଲିଗୁଡାର ଗୁଲୁ ମ୍ୟାନ ଅଫ ଦି ମ୍ୟାଚ ହୋଇଥିବା ବେଳେ ପୋଲିସ ଟିମର ଅମରେଶ୍ୱର ପାତ୍ର ମ୍ୟାନ ଅଫ ଦି ସିରିଜ ହୋଇଥିଲେ । ବିଜୟୀ ବାଲିଗୁଡା ଚମ୍ପିୟାନ ଦଳକୁ ଓ ରନର୍ସ ଅପ ପୋଲିସ ଟିମକୁ ମୁଖ୍ୟ ଅତିଥି ଏସପି ଭିନିତ ଅଗ୍ରୱାଲ କପ ପ୍ରଦାନ କରି ପୁରସ୍କୃତ କରିଥିଲେ । ପୁରସ୍କାର ବିତରଣ ଉତ୍ସବରେ ମୁଖ୍ୟ ଅତିଥି ଭାବରେ କନ୍ଧମାଳ ଏସପି ଭିନିତ ଅଗ୍ରୱାଲ ଯୋଗ ଦେଇ ଖେଳ ହିଁ ଏକମାତ୍ର ମାଧ୍ୟମ ଯାହା ପରସ୍ପର ମଧ୍ୟରେ ବନ୍ଧୁତ୍ୱ ଓ ଭାତୃତ୍ୱ ଭାବ ସୃଷ୍ଟି କରିଥାଏ, ତା ସାଙ୍ଗକୁ ସ୍ୱାସ୍ଥ୍ୟ ଓ ମନ ମଧ୍ୟ ଭଲ ରହିଥାଏ ବୋଲି କହିଥିଲେ ।
