ଘୁ.ଉଦୟଗିର : ଟିକାବାଲି ଥାନା ଅନ୍ତର୍ଗତ କଇଁଝର ପଞ୍ଚାୟତର ବାଡ୍ରୁଗୁଡା ଛକରେ ଦୁଇ ବାଇକ୍ ମୁହାଁ ମୁହିଁ ଧୋକା ହେବା ଫଳରେ ପାଞ୍ଚ ଜଣ ଗୁରୁତର ଆହତ ହୋଇଛନ୍ତି । ମିଳିଥିବା ସୂଚନା ପ୍ରକାରେ ଟିକାବାଲି ଥାନା ଅନ୍ତର୍ଗତ ଡଣ୍ଡେରି ଗ୍ରାମର ରବିନ୍ଦ୍ର କହଁର (୧୭),ବିଜୟ କହଁର ( ୧୬), ବିଶ୍ୱନାଥ କହଁର ( ୨୫ ) ଏକ ବାଇକ୍ରେ କଇଁଝରରୁ ଟିକାବାଲି ଆସୁଥିଲେ । ବିପରୀତ ଟିକାବାଲିରୁ କଇଁଝରକୁ ବାଇକରେ ଟିକାବାଲି ପିକରଡି ପଞ୍ଚାୟତ ଅନ୍ତର୍ଗତ ରୁଦାଙ୍ଗିଆ ମାହାଗୁଡାର ଶାନ୍ତିନିଧି ପ୍ରଧାନ ( ୩୦ ) ଏବଂ ନରେଶ ଚନ୍ଦନ ( ୨୫ ) ଆସୁଥିଲେ । ଏହି ସମୟରେ ଦୁଇ ବାଇକ୍ ମଧ୍ୟରେ ଧକ୍କା ହୋଇଥିଲା,ଫଳରେ ୫ଜଣ ଗୁରୁତର ଆହତ ହୋଇଥିଲେ । ଦୁର୍ଘଟଣା ପରେ ଆହତ ମାନଙ୍କୁ ଗ୍ରାମବାସୀ ଓ ବିପଦରବନ୍ଧୁ ସମାଜସେବୀ ହିର ନାୟକ ଏବଂ ସୁନିଲ୍ ନାୟକ ସ୍ଥାନୀୟ ଲୋକଙ୍କ ସହାୟତାରେ ଗୁରୁତରଙ୍କୁ ଟିକାବାଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ସେମାନଙ୍କ ମଧ୍ୟରୁ ୪ଜଣଙ୍କ ଅବସ୍ଥା ଜଟିଳ ଥିବାରୁ ଡାକ୍ତର ତାଙ୍କୁ ଫୁଲବାଣୀ ସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଥିବା ବେଳେ ସ୍ଥାନୀୟ ପୋଲିସ ସୂଚନା ପାଇଁ ଡାକ୍ତର ଖାନାରେ ପହଞ୍ଚି ତଦାରଖ କରିବା ସହ ଦୁର୍ଘଟଣା ସ୍ଥଳରୁ ବାଇକ ଦୁଇଟିକୁ ଜବତ କରି ଅଧିକ ତଦନ୍ତ କରୁଥିବା ଥାନା ଏଏସ୍ଆଇ ଅବନି ପ୍ରଧାନ ସୂଚନା ଦେଇଛନ୍ତି
