ବାଲିଗୁଡ଼ା: ବାଲିଗୁଡ଼ା ଥାନା ଅନ୍ତର୍ଗତ ଡଲାବାଲି ଘାଟିରେ ଭାରସାମ୍ୟ ହରାଇ ଟ୍ରାକ୍ଟର ଦୁର୍ଘଟଣା ଗ୍ରସ୍ତ । ସୂଚନାଯୋଗ୍ୟ ଯେ ଏକ ଟ୍ରାକ୍ଟର ରୁତୁଙ୍ଗିଆ ଅଞ୍ଚଳରୁ ଖତ ବୋଝେଇ କରି ବାରଖମା ଅଞ୍ଚଳର ସଲାଗୁଡା ଗାଁକୁ ଯାଉଥିବା ବେଳେ ଦୁର୍ଘଟଣା ଘଟିଛି । ଡ୍ରାଇଭର ସମେତ ତିନିଜଣ ଗୁରୁତର ହୋଇଥିବା ଜଣାପଡିଛି । ଉପଖଣ୍ଡ ଚିକିତ୍ସାଳୟରେ ପ୍ରାଥମିକ ଚିକିତ୍ସା ପରେ ଗୁରୁତର ରୋଗୀଙ୍କୁ ଫୁଲବାଣୀ ସ୍ଥାନାନ୍ତର କରାଯାଇଛି । ଦୁର୍ଘାଟଣାରେ ଆହତ ହୋଇଥିବା ବ୍ୟକ୍ତିମାନେ ହେଲେ ଡ୍ରାଇଭର ପ୍ରଦୀପ କହଁର, ଅବନୀ କହଁର ଓ ସଲମାନ ଦିଗାଲ । ଏହି ଦୁର୍ଘଟଣା ସମ୍ପର୍କରେ ବାଲିଗୁଡା ଅଞ୍ଚଳର ସମାଜସେବୀ ଅରୁଣ ବାବୁ ଖବର ପାଇବା ମାତ୍ରେ ବେସରକାରୀ ମାଗଣା ଆମ୍ବୁଲାନ୍ସ ଗାଡି ନେଇ ଦୁର୍ଘଟଣା ସ୍ଥଳରୁ ରୋଗୀଙ୍କୁ ଆଣି ମେଡିକାଲରେ ଚିକିତ୍ସା କରାଇ ଏକ ମହାନ ସେବାର ପରିଚୟ ସୃଷ୍ଟି କରିଛନ୍ତି ।ଅରୁଣ ବାବୁଙ୍କ ଏଭଳି ନିସ୍ୱାର୍ଥପର ସେବରେ କରୁଥିବାରୁ ଅଞ୍ଚଳବାସୀ ଭୁରୀ ଭୁରି ପ୍ରସଂଶା କରୁଥିବା ଦେଖିବାକୁ ମିଳିଛି ।
