ସୁବର୍ଣ୍ଣପୁର : ଜିଲ୍ଲା ସଦରର ଥନାପତିପଡା ସ୍ଥିତ ଚନ୍ଦ୍ରଶେଖର ପାଠାଗାର ଆନୁକୂଲ୍ୟରେ ସ୍ଥାନୀୟ ଥାନାପତିପଡା ଠାରେ ଏକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଗଛ ବଞ୍ଚିଲେ ଆମେ ବଞ୍ଚିବା ନାରା ଦେବା ସହ ଗଛ ଲଗାଇବା ଦ୍ୱାରା ପରିବେଶ କିପରି ସ୍ୱଚ୍ଛ ଓ ନିର୍ମଳ ହେଉଛି ସେଦିଗରେ ପାଠାଗାରର ବରିଷ୍ଠ ସଦସ୍ୟମାନେ ମତ ପ୍ରକାଶ କରିବା ସହ ପାଠାଗାରର ସଭ୍ୟମାନେ ବୃକ୍ଷରୋପଣ କରିଥିଲେ । ଏହି କାର୍ଯ୍ୟକ୍ରମରେ ସ୍ଥାନୀୟ ୱାର୍ଡ ସଭ୍ୟ ସୁକାନ୍ତ ସାହୁ, ବରିଷ୍ଠ ସଦସ୍ୟ ରାମଶଙ୍କର ସାହୁ, ସତ୍ୟ ସାହୁ, ଦେବାନନ୍ଦ ପୁଝାରୀ, ନବ ମିଶ୍ର, ଗଙ୍ଗା କର୍ମୀ, ସୁବାସ ମିଶ୍ର, ସତ୍ୟଜିତ ପୁଝାରୀ ପ୍ରମୁଖଙ୍କ ସହ ପାଠାଗାରର ସମସ୍ତ ସଭ୍ୟ ଉପସ୍ଥିତ ରହି ବୃକ୍ଷରୋପଣ କରିଥିଲେ ।
