ପୁରୀ : ପୁରୀ ବାଙ୍କିମୁହାଣ ନିକଟରେ ବୁଲିଲା ବୁଲଡୋଜର । ସମୁଦ୍ର କୂଳ ଥାନା ଅଧିନ ୟୁନିଟ ୨୬ ରେ ସରକାରୀ ଜାଗା ଉପରେ ବେଆଇନ ଭାବେ ନିର୍ମାଣ ଚାଲିଥିବା ଦୋକାନ ଘର ଉପରେ ବୁଲିଛି ବୁଲୋଡଜୋର । ପୁରୀ ତହସିଲଦାର କ୍ଷୀରୋଦ ବେହେରାଙ୍କ ତତ୍ତ୍ୱାବଧାନରେ ସ୍ଥାନୀୟ ପୋଲିସ ଓ ଦୁଇଟି ବୁଲଡୋଜର ମାଧ୍ୟମରେ କରାଯାଇଛି ଉଚ୍ଛେଦ କାର୍ଯ୍ୟ । ଅନ୍ନପୂର୍ଣ୍ଣା ସାମଲ ଏବଂ ତାଙ୍କ ପୁଅ ଓ ବୋହୂ ବେଆଇନ ଭାବେ ରାସ୍ତା ଉପରେ ଦୋକାନ ଘର ନିର୍ମାଣ କରୁଥିବା ନେଇ ତହସିଲଦାରଙ୍କ ନଜିରକୁ ଆସିଥିଲା । ତେବେ ନିର୍ମାଣ କାର୍ଯ୍ୟ ବନ୍ଦ କରିବା ନେଇ ଉଭୟ ତହସିଲଦାର ଓ ସ୍ଥାନୀୟ ପୋଲିସ ସମ୍ପୃକ୍ତ ବ୍ୟକ୍ତିଙ୍କୁ ନିର୍ଦ୍ଦେଶ ଦେଇଥିଲେ ମଧ୍ୟ ଏହାକୁ ଅମାନ୍ୟ କରାଯାଇଥିବା ଅଭିଯୋଗ ହୋଇଛି । ତେବେ ଆଗକୁ ସରକାରୀ ଜାଗା ଉପରେ ବେଆଇନ ଭାବେ ଘର କିମ୍ବା ବ୍ୟବସାୟିକ ପ୍ରତିଷ୍ଠାନ ନିର୍ମାଣ କଲେ ଏଭଳି ପଦକ୍ଷେପ ନିଆଯିବ ବୋଲି ପୁରୀ ତହସିଲଦାରଙ୍କ କହିଛନ୍ତି ।
