ଘୁ ଉଦୟଗିରି: କନ୍ଧମାଳ ଜିଲ୍ଲା ଟିକାବାଲି ଅନ୍ତର୍ଗତ ବଡିମୁଣ୍ଡ ନିକଟସ୍ଥ ଅଲାରସାହି ଏଆର୍ଏସ୍ଏସ୍ କ୍ରସର ସାମ୍ନାରେ ବାଇକକୁ ଧକ୍କା ଦେଲା ଟ୍ରାକ୍ଟର । ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇଜଣ ଗୁରୁତର ଆହତ ହୋଇଥିବା ଜଣାପଡିଛି । ସୂଚନା ଅନୁସାରେ ଟିକାବାଲିରୁ ଏକ ବାଇକ୍ ଯୋଗେ ୨ ଜଣ ଯୁବକ ଓ ଜଣେ ମହିଳା ଯାଉଥିବା ବେଳେ ବଡିମୁଣ୍ଡା ନିକଟସ୍ଥ ଏଆରଏସଏସ କ୍ରସର ସାମନାରେ ବୁର୍ବିନାଜୁଠାରୁ ଆସୁଥିବା ଟ୍ରାକ୍ଟର ବାଇକ୍କୁ ଧକ୍କା ଦେବା ଫଳରେ ଘଟଣା ସ୍ଥଳରେ ଦୁଇ ଯୁବକ ଗୁରୁତର ଓ ଜଣେ ମହିଳା ସାମାନ୍ୟ ଆଘାତ ହୋଇଥିବାର ସୂଚାନା ମିଳିଛି । ସ୍ଥାନୀୟ ଲୋକ ଟିକାବାଲି ବିପଦର ବନ୍ଧୁ ହିରୋ ନାୟକ ,ନିଳମାଧବ ପାତ୍ର , ସନ୍ତୋଷ ପଣ୍ଡାଙ୍କୁ ଖବର ଦେଇଥିଲେ । ଘଟଣା ସ୍ଥଳରେ ପହଞ୍ଚିଥିଲେ ବିପଦର ବନ୍ଧୁ ଆହତ ୩ ଜଣଙ୍କୁ ଉଦ୍ଧାର କରି ପ୍ରଥମେ ଟିକାବାଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ । ଡାକ୍ତର ପ୍ରାଥମିକ ଚିକିତ୍ସା ପରେ ଦୁଇ ଯୁବକଙ୍କୁ ଗୁରୁତର ଅବସ୍ଥାରେ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଥିବା ବେଳେ ଯୁଗଳ ପ୍ରଧାନଙ୍କ ଫୁଲବାଣୀ ମୁଖ୍ୟ ଚିକିତ୍ସାଳୟରେ ମୃତ୍ୟୁ ହୋଇଥିବା ସୂଚନା ମିଳିଛି । ମହିଳା ଜଣକ ଟିକାବାଲି ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ଧୀନ ଅଛନ୍ତି । ଦୁର୍ଘଟଣା ଗ୍ରସ୍ତ ବାଇକ ଚାଳକମାନେ ହେଲେ କାବାଲି ବ୍ଲକ୍ ଅନ୍ତର୍ଗତ ବୁର୍ବିନାଜୁ ଗ୍ରାମର ଯୁଗଳ ପ୍ରାଧାନ,ଭାଗବତ କହଁର, ସମେତ ମହିଳା ନାମ ଜଣାପଡି ନାହଁ । ଘୋଟଣା ସ୍ଥଳରେ ଟିକାବାଲି ପଲିସ ଏସଆଇ ସଂଜୟ ସ୍ୱାଇଁଙ୍କ ସମେତ ଅନ୍ୟ ପୋଲିସ କର୍ମଚାରୀ ପହଞ୍ଚି ଟ୍ରାକ୍ଟର ନଂ ଓଡି ୧୨ସି, ୩୨୮୫ କୁ ଜବତ କରିବା ସହିତ ଦୁର୍ଘଟଣା ସ୍ଥଳରେ ବାଇକ୍ ନଥିବାରୁ ତଦନ୍ତ ଜାରୀ ରହିଥିବା ସୂଚାନା ଦେଇଛନ୍ତି ପୋଲିସ ଅଧିକାରୀ ।
