ପୁରୀ: ପୁରୀ ବଳିଆପଣ୍ଡା ଥାନା ପୋଲିସକୁ ବଡ଼ ସଫଳତା । ଆନ୍ତଃଜିଲ୍ଲା ଲୁଟେରା ଗ୍ୟାଙ୍ଗର ଚାରି ଅଭିଯୁକ୍ତକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତଙ୍କ ଠାରୁ ଗୋଟିଏ ବନ୍ଧୁକ ସହିତ ଗୋଟେ ଜୀବନ୍ତ ଗୁଳି ଓ ୭ ଟି ସୁନା ଚେନ, ୨ ଟି ମୁଦି, ୭ ଟି ମୋବଇଲ ଫୋନ ଓ ନଗଦ ୬୦୦୦ ଟଙ୍କା ସହ ଗୋଟିଏ ବାଇକ ଜବତ କରିଛି ପୁରୀ ପୋଲିସ । ତିନୋଟି ଫାଇନାନ୍ସ କମ୍ପାନୀ ସହ ଏହି ଅଭିଯୁକ୍ତଙ୍କ ସମ୍ପର୍କ ରହିଛି । ଏହି ଅଭିଯୁକ୍ତଙ୍କ ନାମରେ ବିଭିନ୍ନ ଥାନାରେ ମଧ୍ୟ ଅନେକ ମାମଲା ରହିଛି ବୋଲି ବଳିଆପଣ୍ଡା ଥାନାରେ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ପୁରୀ ଏସପି କନୱାର ବିଶାଳ ସିଂ, ଅତିରିକ୍ତ ଏସପି ମିହିର ପଣ୍ଡା,ତାଳବଣିଆ ଆଇଆଇସି ସୁଶାନ୍ତ ସାହୁ ପ୍ରମୁଖ ସମ୍ମିଳନୀରେ ଉପସ୍ଥିତ ଥିଲେ ।
