ଖପ୍ରାଖୋଲ : ଖପ୍ରାଖୋଲ ବ୍ଲକ ଓଡ଼ିଆପାଲି ପଞ୍ଚାୟତ ବୁଢ଼ୀବାହାଲ ଠାରେ ୨୪ ତମ ନୁଆଁଖାଇ ଭେଟଘାଟ ଅନୁଷ୍ଠିତ ହୋଇଯାଇଛି । ନୂଆଖାଇ ଭେଟଘାଟ କାର୍ଯ୍ୟକ୍ରମରେ ସୁଶୀଲ କୁମାର ପୋଢ଼ ଅଧ୍ୟକ୍ଷତା କରିଥିବା ବେଳେ ମୁଖ୍ୟ ଅତିଥି ରୂପେ ଶିକ୍ଷାବିତ କଲାକାହୁ ସାହୁ, ମୁଖ୍ୟବକ୍ତା ଭାବେ ବିଶିଷ୍ଟ ଲେଖକ ବୀରେନ୍ଦ୍ର ପାଣ୍ଡେ, ସମ୍ମାନିତ ଅତିଥିରୂପେ ଅଭୟ ତ୍ରିପାଠୀ, ସାମାଜିକ କର୍ମୀ ତଥା ଟ୍ୱିଟର ଗାର୍ଲ ଦୀପା ବାରିକ, ଦିବସ କୁମାର ସାହୁ ପ୍ରମୁଖ ଯୋଗଦେଇଥିଲେ । ଏହି ଅବସରରେ ନୂଆଁଖାଇ ପର୍ବର ବୈଶିଷ୍ଟ୍ୟ ଉପରେ ଅତିଥି ମାନେ ଆଲୋକପାତ କରିଥିବା ବେଳେ ଏହି ପର୍ବ ଆମକୁ ଏକତା ଓ ଭାଇଚାରାର ପ୍ରତୀକ ବୋଲି କହିଥିଲେ । ଏହି ଅବସରରେ ସମାଜର ବିଭିନ୍ନ କ୍ଷେତ୍ରରେ କୃତି ଅର୍ଜନ କରିଥିବା ପ୍ରତିଭାମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଟ୍ୱିଟର ମାଧ୍ୟମରେ ଶହ ଶହ ଲୋକଙ୍କ ସମସ୍ୟା ସମାଧାନ କରୁଥିବା ଟ୍ୱିଟର ଗାର୍ଲ ଦୀପା ବାରିକ, ଦିବସ ସାହୁ, ଲେଖକ ବୀରେନ୍ଦ୍ର ପାଣ୍ଡେ, ସମାଜସେବୀ ସୁଦିପ କୁମାର ସୁଆର, କୋଶଳ ଏକତା ମଞ୍ଚ ସଦସ୍ୟଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ବିଭିନ୍ନ କ୍ଷେତ୍ରରେ କୃତ୍ତି ଛାତ୍ରଛାତ୍ରୀଙ୍କୁ ମଧ୍ୟ ମାନପତ୍ର ଦେଇ ଅତିଥିମାନେ ସମ୍ମାନିତ କରିଥିଲେ । ପରେ ରଙ୍ଗାରଙ୍ଗ କାର୍ଯ୍ୟକ୍ରମ ସହ ନାଚଗୀତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ବିଚାରକ ରୂପେ ରିମା ବାଗ ଯୋଗଦେଇଥିବା ବେଳେ ଦେବରାଜ ପାଣିଗ୍ରାହୀ ମଞ୍ଚ ପରିଚାଳନା କରିଥିଲେ । ଏହି ଅବସରରେ ଅନ୍ୟମାନଙ୍କ ମଧ୍ୟରେ ସାଇରମ ସାହୁ, ବିଷମ ବିଶ୍ୱାଳ, ଶିବରାମ ପୁଟେଲ ସମେତ ଗ୍ରାମବାସୀ ସହଯୋଗ କରିଥିଲେ ।
