ପାରଳାଖେମୁଣ୍ଡି : ଗଜପତି ଜିଲ୍ଲା ଆର ଉଦୟଗିରି ବ୍ଳକର ଛେଳିଗଡ଼ ଠାରେ ଗଜପତି ଜିଲ୍ଲା ବିଜେଡି ପକ୍ଷରୁ ବିଜେଡି ଜିଲ୍ଲା ସଭାପତି ପ୍ରଦୀପ ନାୟକଙ୍କ ନେତୃତ୍ୱରେ ଜନସମ୍ପର୍କ ପଦଯାତ୍ରା ହୋଇଯାଇଛି । ପଦଯାତ୍ରା ପରେ ଏକ ସାଧାରଣ ସଭା କରାଯାଇ ରାଜ୍ୟ ସରକାରଙ୍କ ବିଭିନ୍ନ ଯୋଜନାକୁ ତୃଣମୂଳ ସ୍ତରରେ କିପରି ଲୋକଙ୍କ ନିକଟରେ ପହଞ୍ଚି ପାରିବ ଓ ବିକାଶର ଧାରାକୁ ତ୍ୱରାନ୍ୱିତ କରିବା ସକାଶେ ଲୋକାଭିମୁଖୀ ଯୋଜନା ଗୁଡିକର ସଫଳ ରୂପାୟନ କରିବା ପାଇଁ ଲୋକଙ୍କୁ ସଚେତନତା କରାଯାଉଛି । ସଚେତନତା ଦ୍ୱାରା ସରକାରଙ୍କ ଯୋଜନାରେରେ ପ୍ରକୃତ ହିତାଧିକାରୀ ସାମିଲ ହୋଇପାରିବେ ଓ ତୃଣମୂଳ ସ୍ତରରେ ବିକାଶର ଧାରାକୁ ତ୍ୱରାନ୍ୱିତ କରାଯାଉଛି । ଏହି ପଦଯାତ୍ରା ଦ୍ୱାରା ଜନସାଧାରଣ ସଚେତନତା ହୋଇପାରିବେ ଓ ଜିଲ୍ଲାର ବିକାଶର ଅଗ୍ରଗତି ହୋଇପାରିବ ବୋଲି ଆଶା କରାଯାଉଛି । ଏହି ଜନସମ୍ପର୍କ ପଦଯାତ୍ରାରେ ଜିଲ୍ଲା ପରିଷଦ ଅଧ୍ୟକ୍ଷ ଜୀ. ତିରୁପତି ରାଓ, ବରିଷ୍ଠ ବିଜେଡି ନେତା ଅନ୍ତର୍ଯ୍ୟାମୀ ଗୋମାଙ୍ଗ, ସାଂସଦ ପ୍ରତିନିଧି ଜଗବନ୍ଧୁ ଦାସ, ଜାମାଦାର ପଟ୍ଟନାୟକ, ବ୍ଳକ ଅଧ୍ୟକ୍ଷ ଲକ୍ଷ୍ମୀ ନାରାୟଣ ଶବର, ବିଜୟ ଲକ୍ଷ୍ମୀ ପଟ୍ଟନାୟକ, ବ୍ଳକ ସଭାପତି ଭୀମ ପାଇକ, ଧ୍ୱନେଶ୍ୱର ଭୂୟାଁ, ମରିୟାନ ରଇତ, ସୁପ୍ରଭା ମଣ୍ଡଳ, ପ୍ରଣୋଜ ପଟ୍ଟନାୟକ, ଯମୁନା ପ୍ରମୁଖ ବହୁ ବିଜେଡି ନେତା ଓ କର୍ମୀ ଉପସ୍ଥିତ ଥିଲେ ।
