ସୋନପୁର:ସୁବର୍ଣ୍ଣପୁର ଜିଲ୍ଲାର ସୋନପୁର ସଦର ମହକୁମାର ବିଶିମୁଣ୍ଡା ଗ୍ରାମପଞ୍ଚାୟତର ଡୁଙ୍ଗୁରିପାଲି ଗ୍ରାମରଠାରେ ଅବସ୍ଥିତ କୁଶଲେଶ୍ୱର ହାଇସ୍କୁଲ ଖେଳ ପଡ଼ିଆ ଠାରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ସୂଚନାଯୋଗ୍ୟ ଆଜି କୁଶଲେଶ୍ୱର ହାଇସ୍କୁଲ ପକ୍ଷରୁ ଡୁଙ୍ଗୁରିପାଲି ହାଇସ୍କୁଲ ଖେଳ ପଡ଼ିଆର ପାଚେରୀ ଚାରି ପାଖରେ ୫୦୦ଟି ଗଛ ଲଗାଯାଇଛି । ଆଜି କୁଶଲେଶ୍ୱର ହାଇସ୍କୁଲର ଶିକ୍ଷକ ବାବୁଲାଲ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୃକ୍ଷରୋପଣ କାର୍ଯ୍ୟକ୍ରମରେ ଖେଳ ଶିକ୍ଷକ ଜୟନାରାୟନ ମିଶ୍ର, ଚଉଧିରି ବିଭାର, ଚମାର ବାଘ, ୫-ଟି ହାଇସ୍କୁଲ ପରିଚାଳନା କମିଟିର ସଭାପତି ଈଶ୍ୱରଚନ୍ଦ୍ର ପଲିଆ, ସମାଜସେବୀ ରମେଶ ମିଶ୍ର, ଚମାର ବାଘ, ଫରେଷ୍ଟର ଭକ୍ତବନ୍ଧୁ ମିଶ୍ର, ବିଶିମୁଣ୍ଡା ଗ୍ରାମ ପଞ୍ଚାୟତର ସରପଞ୍ଚ ପ୍ରତିନିଧି ଗଜପତି ସୁନା ଏବଂ ସୁବର୍ଣ୍ଣପୁର ଜିଲ୍ଲାର ଅଗ୍ରଣୀ ଯୁବ ସ୍ୱେଚ୍ଛାସେବୀ ସଂଗଠନ ହେଲପିଙ୍ଗ ୟୁଥ ଫାଉଣ୍ଡେସନ ସୋନପୁର ଜିଲ୍ଲାର ସଭାପତି ଜ୍ୟୋତି ରଞ୍ଜନ କୁଶଳ ଉପସ୍ଥିତ ଥିଲେ । କୁଶଲେଶ୍ୱର ହାଇସ୍କୁଲର ଛାତ୍ରଛାତ୍ରୀମାନେ ଏହି କାର୍ଯ୍ୟକ୍ରମକୁ ସହଯୋଗ କରିଥିଲେ ଓ ଅନେକ ଛାତ୍ରଛାତ୍ରୀମାନେ ଗଛ ଲଗାଇଥିଲେ ଏବଂ ଏହି ବୃକ୍ଷରୋପଣ କାର୍ଯ୍ୟକ୍ରମକୁ ସହଯୋଗ କରିଥିଲେ ।
