ଦଶପଲ୍ଲା : ବନ୍ୟଜନ୍ତୁଙ୍କ ପ୍ରତି ମାଡି ଆସୁଛି ମହା ବିପତ୍ତି । ଆଉ ନିଜକୁ ସୁରକ୍ଷା ଦେଇପାରୁନି, ବନରାଜ ବାଘ । ଶିକାରୀଙ୍କ ହାତରେ ଚାଲି ଯାଉଛି ଜୀବନ । ସାରା ଓଡିଶା ସମେତ ଦଶପଲ୍ଲା ବନାଂଚଳରେ ମଧ୍ୟ ହେଉଛି ବାଘ ଶିକାର । ବିଶେଷ ସୂତ୍ରରୁ ଖବର ପାଇ ଭୁବନେଶ୍ୱର ଏସଟିଏଫ୍ ଟିମ୍ ଅଚାନକ ବାଣୀଗୋଛା ଥାନା ଚଡେୟାପଲ୍ଲୀ ପଞ୍ଚାୟତ ବାଲିବେରେଣା ଗ୍ରାମରେ ଚଢାଉ କରି ବାଘ ଛାଲ ଜବତ କରିବା ସହିତ ଜଣଙ୍କୁ ଗିରଫ କରାଯାଇଛି । ଗିରଫ୍ ବ୍ୟକ୍ତିଙ୍କ ନାମ ବୈଦ୍ୟରାଜ ମଲ୍ଲିକ ବୋଲି ଜଣାପଡିଛି । ବୈଦ୍ୟରାଜଙ୍କ ଠାରୁ ୨ଟି ବାଘ ଛାଲ ଜବତ କରାଯାଇଥିବା ବାଣିଗୋଛା ଥାନାଧିକାରୀ ଲକ୍ଷ୍ମଣ ଦଣ୍ଡସେନା ସୂଚନା ପ୍ରଦାନ କରିଛନ୍ତି ।
