ପାରଳାଖେମୁଣ୍ଡି : ନାଗପୁରଠାରେ ଏକ ଭାରତୀୟ ଘରୋଇ କମ୍ପାନୀ ଦ୍ୱାରା ଡାକ୍ତରମାନଙ୍କୁ ନେଇ ଏକ ଜାତୀୟ କାର୍ଯ୍ୟକ୍ରମ ଆୟୋଜିତ କରିଥିଲା । ଏହି କାର୍ଯ୍ୟକ୍ରମର ନାମ ଥିଲା “ମେଡିକୋ ଡିଭା’ । ଏଥିରେ ସୁନ୍ଦରୀ ପ୍ରତିଯୋଗିତାରେ ପାରଳାଖମୁଣ୍ଡିର ସ୍ତ୍ରୀ ଓ ପ୍ରସୂତୀ ବିଶେଷଜ୍ଞ ଡାକ୍ତର ସନ୍ଧ୍ୟାରାଣୀ ପାଣିଗ୍ରାହୀ ଓଡିଶା ତରଫରୁ ଭାଗ ନେଇଥିବା ବେଳେ ବିଭିନ୍ନ ରାଜ୍ୟରୁ ବିଭିନ୍ନ ବିଭାଗର ୨୬ ଜଣ ମହିଳା ଡ଼ାକ୍ତର ଏଥିରେ ଅଂଶ ଗ୍ରହଣ କରିଥିଲେ ।
ଡାକ୍ତର ପାଣିଗ୍ରାହୀ ଏହି ପ୍ରତିଯୋଗୀତାରେ “ମିସେସ୍ ଇଣ୍ଡିଆ କନଫିଡେଣ୍ଟ କୁଇନ’ ଭାବରେ ପୁରସ୍କୃତ ହୋଇଛନ୍ତି ।
ଏହି ପ୍ରତିଯୋଗିତାରେ ସେ ଓଡ଼ିଶାରୁ ଏକମାତ୍ର ବରିଷ୍ଠ ମହିଳା ଡାକ୍ତର ହିସାବରେ ଯୋଗଦେଇଥିବାରୁ ଜଜ ଓ ଜୁରୀ ସଦସ୍ୟା ମାନେ ତାଙ୍କୁ ଉଚ୍ଚ ପ୍ରଶଂସା କରିଥିଲେ । ଏହି ଅବସରରେ ତାଙ୍କୁ ଆଇଏମଏ ଓଡ଼ିଶା ଶାଖା, ରାଜ୍ୟର ବିଭିନ୍ନ ଡାକ୍ତର ସଂଘ ଓ ପାରଳାଖେମୁଣ୍ଡି ମୁଖ୍ୟ ଚିକିତ୍ସାଳୟର ଡାକ୍ତର ମାନଙ୍କ ସମେତ ବିଭିନ୍ନ କର୍ମଚାରୀ ଶୁଭେଚ୍ଛା ଜଣାଇଛନ୍ତି ।
