ଘୁ ଉଦୟଗିରି: ଗତ ୫ମାସ ହେଲା ଘୁ.ଉଦୟଗିରି ଏନଏସିର ୬ନଂ ୱାର୍ଡର ଖାଲି ପଡିଥିବା କାଉନସିଲର ପଦବୀ ନିର୍ବାଚନ ନିମନ୍ତେ ରାଜ୍ୟ ନିର୍ବାଚନ କମିଶନ ବିଜ୍ଞପ୍ତି ପ୍ରକାଶ କରିଛନ୍ତି । ଗତ ଜୁଲାଇ ୧୫ତାରିଖ ଦିନ ୬ନଂ ୱାର୍ଡର ବିଜେଡି ଦଳର ବୁଲିଅନ ନାୟକଙ୍କ ଅକାଳ ବିୟୋଗ ହୋଇଯାଇଥିଲା । ଏହାପରେ ଏହି ପଦବୀ ଖାଲି ପଡିଥିଲା । ଜାରି ବିଜ୍ଞପ୍ତି ଅନୁସାରେ ଆସନ୍ତା ଜାନୁଆରୀ ୧୨ତାରିଖ ଦିନ ଏହି ୱାର୍ଡର କାଉନସିଲର ପଦବୀ ନିମନ୍ତେ ଭୋଟ ଅନୁଷ୍ଠିତ ହେବ । ୨୬ତାରିଖ ଠାରୁ ୨୮ତାରିଖ ପର୍ଯ୍ୟନ୍ତ ପ୍ରାର୍ଥୀପତ୍ର ବିକ୍ରି ସହ ପ୍ରାର୍ଥୀ ପତ୍ର ଦାଖଲ ହେବ । ୩୦ତାରିଖ ଯାଞ୍ଚ,ପ୍ରାର୍ଥୀ ପତ୍ର ପ୍ରତ୍ୟାହାର ଏବଂ ଚୂଡାନ୍ତ ପ୍ରାର୍ଥୀ ତାଲିକା ୨ତାରିଖରେ ପ୍ରକାଶ ପାଇବ । ୧୨ତାରିଖ ନିର୍ବାଚନ ଏବଂ ୧୩ତାରିଖ ଭୋଟ ଗଣତି । ଏହି ଉପନିର୍ବାଚନର ନିର୍ବାଚନ ଅଧିକାରୀ ଭାବେ ସ୍ଥାନୀୟ ତହସିଲଦାର ଶୁଭ୍ରାଂଜଳି ପ୍ରଧାନଙ୍କୁ ଦାୟିତ୍ୱ ଦିଆଯାଇଥିବା ବେଳେ ଆଜି ଠାରୁ ଆସନ୍ତା ୧୩ତାରିଖ ପର୍ଯ୍ୟନ୍ତ ନିର୍ବାଚନ ଆଦର୍ଶ ଆଚରଣ ବିଧି ଲାଗୁ ହୋଇଥିବା ନେଇ ରାଜ୍ୟ ନିର୍ବାଚନ ଅଧିକାରୀ ବିଜ୍ଞପ୍ତି ପ୍ରକାଶ କରିଛନ୍ତି ।
