ଦଶପଲ୍ଲା : ଦଶପଲ୍ଲା ବନ ବିଭାଗ ତରଫରୁ ବିଶ୍ୱ ପରିବେଶ ଦିବସ ପାଳିତ ହୋଇଯାଇଛି । ଏହି ଅବସରରେ ହାଇସ୍କୁଲର ସ୍କାଉଟ ଛାତ୍ର ଏବଂ ବନ କର୍ମଚାରୀଙ୍କୁ ନେଇ ଏକ ସଚେତନତା ଶୋଭାଯାତ୍ରା ଆୟୋଜନ ହୋଇଥିଲା । ସ୍ଥାନୀୟ ମହାବୀର ମନ୍ଦିରଠାରୁ ଏକ ଶୋଭାଯାତ୍ରା ବାହାରି ନଗର ପରିକ୍ରମା କରି ବନ ବିଭାଗ କାର୍ଯ୍ୟାଳୟ ପର୍ଯ୍ୟନ୍ତ ଆସିଥିଲା । ଶୋଭାଯାତ୍ରାରେ ପରିବେଶ ଉପରେ ବିଭିନ୍ନ ସ୍ଲୋଗାନ ମାନ ଦିଆଯାଇଥିଲା । ସାକେଣି ଫରେଷ୍ଟର କୈଳାସ ପ୍ରଧାନ, ସଦର ଫରେଷ୍ଟର ଶ୍ରବଣ ବଳିଆର ସିଂ, ଶୁଭେନ୍ଦୁ ନାୟକଙ୍କ ନେତୃତ୍ୱରେ ସମସ୍ତ ବନ କର୍ମଚାରୀ ଅଂଶ ଗ୍ରହଣ କରିଥିଲେ ।
