ଫୁଲବାଣୀ : କନ୍ଧମାଳ ଜିଲ୍ଲାର ବରିଷ୍ଠ ଆଇନଜୀବୀ ଭଗବାନ ମହାନ୍ତିଙ୍କ ସ୍ଥାନୀୟ ପେଞ୍ଜିସାହି ବିଦ୍ୟାଳୟ ସମ୍ମୁଖରେ ଥିବା ରାଜରାସ୍ତାରେ ଦୁର୍ଘଟଣାରେ ଆହତ ହୋଇଛନ୍ତି । ସ୍ଥାନୀୟ ଲୋକଙ୍କ ସହାୟତାରେ ତାଙ୍କୁ ଫୁଲବାଣୀ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ତାଙ୍କର ଆଶୁ ଆରୋଗ୍ୟ ପାଇଁ ଓକିଲ ସଂଘର ସମସ୍ତ ସଦସ୍ୟଙ୍କ ସମେତ ବିଭିନ୍ନ ଦଳର ନେତୃବୃନ୍ଦ ସମବେଦନା ଜଣାଇଛନ୍ତି । ଉକ୍ତ ରାଜରାସ୍ତାରେ ପ୍ରାୟତଃ ଦୁର୍ଘଟଣା ଘଟୁଛି, ଏହାର କାରଣ ନିମ୍ନମାନର ରାସ୍ତା କାମ । କେତେକ ସ୍ଥାନରେ ଅଧା ରାସ୍ତା ଉପରେ ପିଚୁ ପଡିଛି ଆଉ ଅଧେ ଖାଲ ଢିପ ଆବଡାଖାବଡା ରାସ୍ତା ଯାହା ଦୁର୍ଘଟଣା ହେବା ସ୍ୱାଭାବିକ । ଏ ସମ୍ପର୍କରେ ବାରମ୍ବାର ଅଭିଯୋଗ ହେଲେ ମଧ୍ୟ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଉନାହିଁ । ଜାଗ୍ରତ କନ୍ଧମାଳର ପ୍ରତିଷ୍ଠାତା ତଥା ଆଇନଜିବୀ ସତ୍ୟ ନାରାୟଣ ବେହେରା, କନ୍ଧମାଳ ପିପୁଲ୍ସ ଫୋରମ ର ସଭାପତି ରାଧାମୋହନ ମହାପାତ୍ର,ସମାଜସେବୀ ଅଶୋକ ପରିଡା, କାଉନସିଲର ତଥା ଆଇନଜିବୀ ରମେଶ ଚନ୍ଦ୍ର ମହାନ୍ତି ପ୍ରମୁଖ ଅଭିଯୋଗ କରିଛନ୍ତି । ଏଥିପ୍ରତି ଯଥାଶୀଘ୍ର ଜିଲ୍ଲା ପ୍ରଶାସନ ଦୃଷ୍ଟି ଦେବାକୁ ମଧ୍ୟ ଦାବି ହୋଇଛି ।
