ହରଭଙ୍ଗା : ହରଭଙ୍ଗା ବ୍ଲକ ହରଭଙ୍ଗା ମେଡିକାଲ ଛକ ନିକଟରେ ଥିବା ଏକ ଖୋଲା କୂପରୁ ବୁଲା ଷଣ୍ଢକୁ ଉଦ୍ଧାର କରାଯାଇଛି । ଘଟଣା ଅନୁସାରେ ମଙ୍ଗଳବାର ସନ୍ଧ୍ୟା ପ୍ରାୟ ୫ଘଣ୍ଟା ସମୟରେ ହରଭଙ୍ଗା ମେଡିକାଲ ନିକଟରେ ଗୋରୁଗାଈ ଚରାବୁଲା କରୁଥିଲେ । ହଠାତ ଦୁଇଟି ଷଣ୍ଢ ମାଡ଼ ହେବାରୁ ସେଥିରୁ ଗୋଟିଏ କୂଅ ଭିତରେ ପଡିଯାଇଥିଲା । ସଙ୍ଗେ ସଙ୍ଗେ ସ୍ଥାନୀୟ ଲୋକ ହରଭଙ୍ଗା ଅଗ୍ନିଶମକୁ ଖବର ଦେବାରୁ ଅଗ୍ନିଶମ ବାହିନୀ ପହଂଚି ୨୦ଫୁଟ କୂପ ଭିତରୁ ଷଣ୍ଢକୁ ଏକ ହାଇଡ୍ରା ମେସିନ ସାହାଯ୍ୟ ସହିତ ନିଜେ କୂଅ ଭିତରକୁ ପଶି ଷଣ୍ଢଟିକୁ ନିରାପଦରେ ଉଦ୍ଧାର କରିଥିବାର ଦେଖାଦେଇଛି ।
