ପାରଳାଖେମୁଣ୍ଡି : ଭୁବନେଶ୍ୱରର ନୃତ୍ୟାର୍ଚ୍ଚନା ଅନୁଷ୍ଠାନ ପକ୍ଷରୁ ଷଷ୍ଠତମ ଗୁରୁ ଦେବ ପ୍ରସାଦ ଦାସ ସମ୍ମାନ ଉତ୍ସବ – ୨୦୨୩ ଭୁବନେଶ୍ୱର ସ୍ଥିତ ରବୀନ୍ଦ୍ର ମଣ୍ଡପ ଠାରେ ଅନୁଷ୍ଠିତ ହୋଇଯାଇଛି ।
ଏହି କାର୍ଯ୍ୟକ୍ରମରେ ଅତିଥି ଭାବରେ ବିଧାୟକ ପ୍ରଫୁଲ କୁମାର ସାମଲ, ଓଡିଶା ବିଧାନସଭାର ସଚିବ ଦାଶରଥି ଶତପଥୀ, ପୂର୍ବତନ ଅତିରିକ୍ତ ଶାସନ ସଚିବ କୃପାସିନ୍ଧୁ ମିଶ୍ର , ସଙ୍ଗୀତିଜ୍ଞ ସୁକାନ୍ତ କୁମାର କୁଣ୍ଡୁ ଯୋଗ ଦେଇଥିଲେ ।
ଉକ୍ତ କାର୍ଯ୍ୟକ୍ରମରେ ବିଭିନ୍ନ ସ୍ଥାନରୁ ନୃତ୍ୟଶିଳ୍ପୀ ମାନେ ଯୋଗ ଦେଇଥିଲେ । ପାରଳାଖେମୁଣ୍ଡିର ଅଗ୍ରଣୀ ଓଡିଶୀ ନୃତ୍ୟ ଅନୁଷ୍ଠାନ ଶ୍ରୀ ଜଗନ୍ନାଥ ଓଡିଶୀ କଳାକେନ୍ଦ୍ରର ନୃତ୍ୟଶିଳ୍ପୀ ଅନୌଷ୍ଳା ଅନହିତା, ତନୀଷା ବେବର୍ତ୍ତା, ଚିରସ୍ମିତା ପଣ୍ଡା, ରିଶୀତା ପାତ୍ର, ସ୍ୱପ୍ନାରାଣୀ ପାଣିଗ୍ରାହୀ, ଶୁଭଶ୍ରୀ ପାଣିଗ୍ରାହୀ, ବିଦ୍ୟା ପୂଜାରୀ ଓ ତନିଷା ପରିଚ୍ଛା ଓଡିଶୀ ଅଭିନୟ ପରିବେଷଣ କରି ଦର୍ଶକ ମାନଙ୍କୁ ଠାରୁ ଭୁୟସୀ ପ୍ରଶଂସା ପାଇଛନ୍ତି ଏବଂ ଅନୁଷ୍ଠାନର ନୃତ୍ୟ ନିର୍ଦ୍ଦେଶିକା ସୁଶ୍ରୀ ଡି. ପ୍ରିୟଙ୍କାଙ୍କୁ ଷଷ୍ଠ ତମ “ଗୁରୁ ଦେବ ପ୍ରସାଦ ଦାସ’ ପ୍ରତିଭା ସମ୍ମାନରେ ସମ୍ମାନିତ କରାଯାଇଥିଲା ।
ଗୁରୁ ସୁରେଶ କୁମାର ଖୁଣ୍ଟିଆ, ସାଗର କୁମାର ଖୁଣ୍ଟିଆ ଆଦି କାର୍ଯ୍ୟକ୍ରମକୁ ଆୟୋଜନ କରିଥିଲେ ।
