ନୂଆଗାଁ : ନୟାଗଡ଼ ଜିଲ୍ଲା ନୂଆଗାଁ ବ୍ଲକ ସିଙ୍ଗାରପଲ୍ଲୀ ହରିଜନ ସାହି ନିକଟରୁ ଲକ୍ଷାଧିକ ଟଙ୍କାର କାଠ ଜବତ କରିଛି ବନବିଭାଗ । ବିଶେଷ ସୂତ୍ରରୁ ଖବର ପାଇ ବାହାଡାଝୋଲା ଫରେଷ୍ଟର ସନାତନ ସ୍ୱାଇଁ ସିଙ୍ଗରପଲ୍ଲୀ ହରିଜନ ସାହି ନିକଟରେ ପହଂଚି ଚାରି ଶାଳ ଓ ଚାରି ଶାଗୁଆନ ଗଛ ଗଣ୍ଡି ଜବତ କରିବା ସହିତ ୪୦ଟି ସାଳ ସାଇଜ ଜବତ କରିଥିବା ଜଣାପଡିଛି । ଘଟଣା ସ୍ଥଳରେ ଫରେଷ୍ଟର ସନାତନ ସ୍ୱାଇଁଙ୍କ ସମେତ ବାହାଡଝୋଲା ଶେକ୍ସନର ସମସ୍ତ ଫରେଷ୍ଟର ଗାର୍ଡ ଓ ବନବିଭାଗର ପ୍ରୋତରକ୍ସନ ସ୍କ୍ୱାଡ ଉପସ୍ଥିତ ରହିଥିଲେ । ଜବତ କରାଯାଇଥିବା କାଠର ମୂଲ୍ୟ ଲକ୍ଷାଧିକ ଟଙ୍କା ହୋଇଥିବାର ସୂଚନା ଫରେଷ୍ଟର ସନାତନ ସ୍ୱାଇଁ ଦେଇଛନ୍ତି ।
