ବାଲିଗୁଡ଼ା: ଅଶାନ୍ତ ମହାବିଦ୍ୟାଳୟ ପରିସର । ପୂର୍ବତନ ଅଧ୍ୟକ୍ଷଙ୍କୁ ପୁନଃ ଦାୟିତ୍ୱ ଦେବା ଦାବିରେ ଛାତ୍ରଛାତ୍ରୀଙ୍କ ଆନ୍ଦୋଳନ ଜାରି ରଖିଛନ୍ତି । ଏଭଳି ଘଟଣା ଦେଖିବାକୁ ମିଳିଛି କନ୍ଧମାଳ ଜିଲ୍ଲା ତୁମୁଡ଼ିବନ୍ଧ ନେତାଜୀ ସୁଭାଷ ବୋଷ ଡିଗ୍ରୀ ମହାବିଦ୍ୟାଳୟରେ । ସୂଚନା ପ୍ରକାରେ ନେତାଜୀ ସୁଭାଷ ବୋଷ ମହାବିଦ୍ୟାଳୟର ଅଧ୍ୟକ୍ଷ ରମେଶ ଚନ୍ଦ୍ର ଦିଗାଳଙ୍କୁ ଦାୟିତ୍ୱରୁ ହଟାଇ ନୂତନ ଭାବେ ଅଧ୍ୟାପକ ବିଶେଶ୍ୱର ଆଚାର୍ଯ୍ୟଙ୍କୁ ଅଧ୍ୟକ୍ଷ ଦାୟିତ୍ୱ ଦିଆଯାଇଛି । ଆଜି ଦାୟିତ୍ୱ ଗ୍ରହଣ କରିବା ପାଇଁ ମହାବିଦ୍ୟାଳୟକୁ ଅଧ୍ୟାପକ ବିଶ୍ୱେଶ୍ୱର ଆଚାର୍ଯ୍ୟ ଆସିବା ବେଳେ ଏହାକୁ ବିରୋଧ କରି ଛାତ୍ରଛାତ୍ରୀ ମହାବିଦ୍ୟାଳୟକୁ ତାଲା ପକାଇ ହାତରେ ପ୍ଲେ କାର୍ଡ ଧରି ନାରାଦେଇ ଧାରଣାରେ ବସିଥିବା ଦେଖିବାକୁ ମିଳିଛି । ପୂର୍ବତନ ଅଧ୍ୟକ୍ଷଙ୍କ ମହାବିଦ୍ୟାଳୟ ପାଇଁ ଗୁରୁତ୍ୱପୂର୍ଣ୍ଣ ଅବଦାନ ରହିଛି । ନୂତନ ଅଧ୍ୟକ୍ଷ ସେଭଳି ଦାୟିତ୍ୱ ତୁଲେଇପାରିବେ ନାହିଁ । ଏଥିସହିତ ଛାତ୍ରଛାତ୍ରୀଙ୍କ ସହ ଡିଗ୍ରୀ ପାଠପଢ଼ାରେ ବ୍ୟତିକ୍ରମ ଘଟିବ ବୋଲି କହିଛନ୍ତି ଛାତ୍ରଛାତ୍ରୀ । ଏଣୁ ପୂର୍ବତନ ଅଧ୍ୟକ୍ଷଙ୍କୁ ପୂନର୍ବାର ଦାୟିତ୍ୱ ଦେବାକୁ ଦାବିକରି ଜିଦ୍ ରେ ଧାରଣାରେ ବସିଛନ୍ତି ଛାତ୍ରଛାତ୍ରୀ ।
