ଚଣ୍ଡିଖୋଲ :ନେହରୁ ଯୁବ କେନ୍ଦ୍ରର ସୋମବାର ପ୍ରତିଷ୍ଠା ଦିବସ ଅବସରରେ ବଡଚଣା ବ୍ଲକ ଅନ୍ତର୍ଗତ ବାବା ଭୈରଭନନ୍ଦ ମହାବିଦ୍ୟାଳୟ ଖେଳ ପଡିଆଠାରେ ଏକ ଭଲିବଲ ମ୍ୟାଚ ଅନୁଷ୍ଠିତ ହୋଇଯାଇଛି । ସ୍ୱେଚ୍ଛାସେବୀ ଅନୁଷ୍ଠାନ ପଲ୍ଲୀ ବିକାଶ, ନେହରୁ ଯୁବ କେନ୍ଦ୍ରର ସ୍ୱେଚ୍ଛାସେବୀମାନଙ୍କୁ ନେଇ ଭଲିବଲ ମ୍ୟାଚ ଅନୁଷ୍ଠିତ ହୋଇଥିଲା । ଏହି ଅବସରରେ ସ୍ୱେଚ୍ଛାସେବୀ ସଂଜୟ ନାୟକ ଯୋଗ ଦେଇ କ୍ରୀଡ଼ାବିତ୍ ମାନଙ୍କୁ ଉତ୍ସାହିତ କରିଥିଲେ । ବିପିନ ବିହାରୀ ପୃଷ୍ଟି, ପପୁନା ଖଟୁଆ, ମାନସ ରଂଜନ ସିଂହ, ଦେବ ସାହୁ, ଉଦୟ ସାହୁ, ମନୋଜ ନାୟକ, ସୌରଭ ପୃଷ୍ଟି, ସତ୍ୟବ୍ରତ ପୃଷ୍ଟି, ସତ୍ୟଜିତ୍ ସାହୁ, ବିଚିତ୍ର ସାହୁ, ସତ୍ୟଜିତ୍ ସାହୁ ପ୍ରମୁଖ ଉପସ୍ଥିତ ରହିଥିଲେ । ନେହରୁ ଯୁବ କେନ୍ଦ୍ରର ପ୍ରତିଷ୍ଠା ଦିବସରେ ବିଭିନ୍ନ ଅଞ୍ଚଳରୁ ସ୍ୱେଚ୍ଛାସେବୀ ମାନେ ଆସି ପ୍ରତିଷ୍ଠା ଦିବସରେ ଯୋଗ ଦେଇ ନିଜର ବକ୍ତବ୍ୟ ରଖିଥିଲେ ।
