ବାଲିଗୁଡ଼ା: ନିଖୋଜ କନ୍ଧମାଳ ଜିଲ୍ଲା ବାଲିଗୁଡା ଥାନା ବାଦେକେତା ଗାଁ ନିକଟସ୍ଥ ଜଙ୍ଗଲରୁ ଜଣେ ଯୁଵକଙ୍କ ଗଳିତ ଶବ ଉଦ୍ଧାର କରିଛି ବାଲିଗୁଡ଼ା ପୋଲିସ । ଶବ ଉଦ୍ଧାର ପରେ ବ୍ୟବଚ୍ଛେଦ ପାଇଁ ବାଲିଗୁଡ଼ା ଉପଖଣ୍ଡ ଚିକିତ୍ସାଳୟକୁ ମୃତଦେହ ପଠାଯାଇଛି । ସମ୍ପୃକ୍ତ ଯୁବତୀଙ୍କ ଗଳିତ ଶବ ଠାବ ପରେ ପାରିପାର୍ଷିକ ସ୍ଥିତିକୁ ନେଇ ଏହା ଏକ ହତ୍ୟାକାଣ୍ଡ ବୋଲି ଅନୁମାନ କରାଯାଉଛି । ବର୍ତ୍ତମାନ ସୁଦ୍ଧା ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ଶବ ଉଦ୍ଧାର ହୋଇଥିବା ଯୁବକଙ୍କୁ ହତ୍ୟା କରାଯାଇଛି ନା ତାଙ୍କର ସ୍ୱାଭାବିକ ମୃତ୍ୟୁ ହୋଇଛି ସେ ନେଇ ତଦନ୍ତ ଜାରି ରଖିଛି ବାଲିଗୁଡ଼ା ପୋଲିସ୍ । ଘଟଣାର ତଦନ୍ତ ପରେ ସମ୍ପୂର୍ଣ୍ଣ ସତ୍ୟତା ସାମ୍ନାକୁ ଆସିବ ବୋଲି କହିଛନ୍ତି ବାଲିଗୁଡା ଥାନା ଅଧିକାରୀ ବାବା ଶଙ୍କର ସରାଫ ।
ତେବେ ଉଦ୍ଧାର ହୋଇଥିବା ମୃତ ଦେହ ର ପରିଚୟ ଜଣା ପଡିଛି l ମୃତ ଯୁବକ ହେଲେ ରାଇକିଆ ଥାନା ଗୁମମାହା ଗାଁ ର ଭବାନୀ ଶଙ୍କର ପଣ୍ଡା l ଗତ 13 ତାରିଖ ରେ ବାଲିଗୁଡା ନିଜ ଭିଣୋଇ ଘରକୁ ଆସି ନିଖୋଜ ହୋଇଥିଲେ l ନିଖୋଜ ପରେ ପରିବାର ଲୋକ ବହୁ ଖୋଜାଖୋଜି ପରେ ସନ୍ଧାନ ନ ମିଳିବାରୁ ବାଲିଗୁଡା ଥାନାରେ ଲିଖିତ ଅଭିଯୋଗ କରିଥିଲେ l
