ଫୁଲବାଣୀ : ବିଗତ ତିନିବର୍ଷ ଧରି କନ୍ଧମାଳ ଜିଲ୍ଲା ଫୁଲବାଣୀଠାରେ କିଛି ଯୁବଗୋଷ୍ଠୀଙ୍କୁ ନେଇ ଏକ ସ୍ୱେଚ୍ଛାସେବୀ ସଂଗଠନ ଟିମ୍ ହ୍ୟୁମାନିଟି କନ୍ଧମାଳ ଗଠନ କରାଯାଇଥିଲା । ବିଭିନ୍ନ ବର୍ଗର ବ୍ୟକ୍ତିଙ୍କୁ ନେଇ ସମାଜ ସେବା କ୍ଷେତ୍ରରେ ନିଜକୁ ନିୟୋଜିତ କରିବା ଲକ୍ଷ୍ୟରେ ଗଢ଼ି ଉଠିଛି ଏହି ଅନୁଷ୍ଠାନ । ଆଜି ପର୍ଯ୍ୟନ୍ତ ଏହି ଟିମ୍ ବିଭିନ୍ନ ସ୍ଥାନରେ ବିଭିନ୍ନ ପ୍ରକାରର ସଙ୍ଗଠନ ମୂଳକ କାର୍ଯ୍ୟକ୍ରମ କରି ଆସୁଛି । ଜିଲ୍ଲାର ବିଭିନ୍ନ ବ୍ଲକରେ ମଧ୍ୟ ଏହି ଟିମ୍ ସେବା ଜାରି ରଖିଛି । ଜିଲ୍ଲାବାସୀଙ୍କ ସହଯୋଗ ଏବଂ ଟିମ୍ ସଦସ୍ୟ ସଦସ୍ୟାଙ୍କ ଅପୂର୍ବ ସାହାସ ଏବଂ ଉତ୍ସର୍ଗୀକୃତ ମନୋଭାବ ପାଇଁ ଟିମ୍ ଅନେକ ସ୍ଥାନରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛି । ସମାଜ ପ୍ରତି ଉଲ୍ଲେଖନୀୟ ଅବଦାନ ପାଇଁ ବିଭିନ୍ନ ଅନୁଷ୍ଠାନ ପକ୍ଷରୁ ମଧ୍ୟ ଟିମ୍କୁ ଅନେକ ସ୍ଥାନରେ ଅନେକ ଥର ସମ୍ବର୍ଦ୍ଧିତ କରାଯାଇଛି ।
ବ୍ରହ୍ମପୁର ସହରର ଏକ ସ୍ୱେଚ୍ଛାସେବୀ ଅନୁଷ୍ଠାନ “ବିପଦର ବନ୍ଧୁ’ର ୫ବର୍ଷ ପୂର୍ତ୍ତି ଅବସରରେ ଟିମ୍ ହ୍ୟୁମାନିଟି କନ୍ଧମାଳକୁ ନିମନ୍ତ୍ରଣ କରାଯାଇଥିଲା । ଟିମ୍ ସଦସ୍ୟ ଭି ଜଗନ୍ନାଥ ରାଜୁ, ସାଇରାମ ପାତ୍ର, ପ୍ରଫୁଲ୍ଲ କୁମାର ପୃଷ୍ଟି ଏବଂ ରବିନ୍ଦ୍ର ମହାରଣା ପ୍ରମୁଖ ଅନୁରୋଧ ରକ୍ଷାକରି ସେଠାରେ ପହଞ୍ଚିଛନ୍ତି । ଟିମ୍ର ଉଲ୍ଲେଖନୀୟ କାର୍ଯ୍ୟକ୍ରମକୁ ଦୃଷ୍ଟିରେ ରଖି ଏହି ସ୍ୱେଚ୍ଛାସେବୀ ଅନୁଷ୍ଠାନ ଟିମ୍ ହ୍ୟୁମାନିଟି କନ୍ଧମାଳକୁ ସମ୍ବର୍ଦ୍ଧିତ କରିଛନ୍ତି । ଟିମ୍ ହ୍ୟୁମାନିଟି କନ୍ଧମାଳକୁ ନିମନ୍ତ୍ରଣ କରି ଏଭଳି ଉତ୍ସାହ ବଢେଇ ସମ୍ମାନିତ କରିଥିବା ହେତୁ ଟିମ୍ର ସମସ୍ତ ସଦସ୍ୟ ସଦସ୍ୟାମାନେ କୃତଜ୍ଞତା ଜ୍ଞାପନ କରିଛନ୍ତି ।
