ପାରଳାଖେମୁଣ୍ଡି : ଗଜପତି ଜିଲ୍ଲା ପାରଳାଖେମୁଣ୍ଡି ସ୍ଥିତ ଆରଏମସି କାର୍ଯ୍ୟାଳୟଠାରେ ଆରଏମସି (ଆର.ଉଦୟଗିରି ) ର ସଭାପତି ପଦପାଇଁ ନିର୍ବାଚନ ଅନୁଷ୍ଠିତ ହୋଇଯାଇଛି । ଏଥିରେ ବିଜେଡି ସମର୍ଥିତ ପ୍ରାର୍ଥୀ ଏସ.ଗଜପତି ରାଓ ଆର ଉଦୟଗିରିର ନୂତନ ସଭାପତି ଭାବେ ନିର୍ବାଚିତ ହୋଇଛନ୍ତି । ୧୫ଜଣ ଡିରେକ୍ଟରଙ୍କୁ ନେଇ ନିର୍ବାଚନ ପ୍ରକ୍ରିୟା ଅନୁଷ୍ଠିତ ହୋଇଥିଲା । ଏଥିରେ ବିଜେଡି -୧୧,ବିଜେପି ସମର୍ଥିତ ପ୍ରାର୍ଥୀଙ୍କୁୁ-୩ଟି ଭୋଟ ମିଳିଥିଲା ଏବଂ ଜଣେ ଡିରେକ୍ଟର ଅନୁପସ୍ଥିତ ରହିଥିବା ଜଣାପଡିଛି । ଏହି ଅବସରରେ ସମସ୍ତ ଡାଇରେକ୍ଟର ଓ ଆରଏମସି ଆର ଉଦୟଗିରି ସଭାପତି ଏସ ଗଜପତି ରାଓ ସହର ପରିକ୍ରମା କରି କଲେଜ ଛକ ସ୍ଥିତ ବିଜୁବାବୁଙ୍କ ପ୍ରତିମୂର୍ତ୍ତୀରେ ଓ ପାରଳାଖେମୁଣ୍ଡି ମହାରାଜ ଶ୍ରୀ କୃଷ୍ଣଚନ୍ଦ୍ର ଗଜପତି ନାରାୟଣ ଦେବଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ । ଏହି କାର୍ଯ୍ୟକ୍ରମ ଅବସରରେ ବରିଷ୍ଠ ନେତା ତଥା ହାଇଟେକ୍ ଗ୍ରୁପ ଅଧ୍ୟକ୍ଷ ଡଃ ତିରୁପତି ପାଣିଗ୍ରାହୀ, ବରିଷ୍ଠ ନେତା ବସନ୍ତ ଦାସ, ଆର ଉଦୟଗିରି ବ୍ଲକ ସାଂସଦ ପ୍ରତିନିଧି ତଥା ବରିଷ୍ଠ ସମାଜସେବୀ ଜଗବନ୍ଧୁ ଦାସ, ବିଜେଡି ରାଜ୍ୟ ସମ୍ପାଦକ ମରୁତ୍ ପାଲ, ଆରରଏମିସି ଉପାଧ୍ୟକ୍ଷ ଧନେଶ୍ୱର ଭୁଆଁଙ୍କ ସମେତ ସମସ୍ତ ବ୍ଲକ୍ର ଅଧ୍ୟକ୍ଷ ଓ ଉପାଧ୍ୟକ୍ଷ, ସରପଞ୍ଚ, ସମିତି ସଭ୍ୟ ଓ ବିଜୁଜନତା ଦଳର କର୍ମକର୍ତ୍ତାଗଣ ଉପସ୍ଥିତ ଥିଲେ ।
