ଗଞ୍ଜାମ: ଧରାକୋଟ ବ୍ଲକର ବଳରାମପୁର କ୍ଳଷ୍ଟରର ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ ଓସ୍ତାରେ ପଞ୍ଚାୟତ ସ୍ତରୀୟ କ୍ରୀଡା ମହୋତ୍ସବ ମହାସମାରୋହରେ ଅନୁଷ୍ଠିତ ହୋଇଯାଇଛି । ବଳରାମପୁର ପଞ୍ଚାୟତର ସରପଞ୍ଚ ଶ୍ରୀମତୀ ଗୀତାଞ୍ଜଳି ମଲ୍ଲିକ ମୁଖ୍ୟ ଅତିଥି ଭାବେ ଯୋଗଦେଇ ଉଦଘାଟନ କରିଥିଲେ । ଏହି କାର୍ଯ୍ୟକ୍ରମରେ ବଳରାମପୁର ପଂଚାୟତର ବିଭିନ୍ନ ବିଦ୍ୟାଳୟ ଅଂଶଗ୍ରହଣ କରିଥିଲେ । ସମ୍ମାନୀତ ଅତିଥି ଭାବେ ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ସୁଶୀଲ କୁମାର ପଟ୍ଟନାୟକ, ପଂଚାୟତ ନିର୍ବାହୀ ଅଧିକାରୀ ରମେଶ ଚନ୍ଦ୍ର ପୃଷ୍ଟି, ଗ୍ରାମରୋଜଗାର ସେବକ ଜଗଦୀଶ ତ୍ରିପାଠୀ, କନିଷ୍ଠ ଯନ୍ତ୍ରୀ ପ୍ରଦୀପ୍ତ ନାୟକ, ୱାର୍ଡମେମ୍ବର ବନବାସ ସ୍ୱାଇଁ, ବିଦ୍ୟାଳୟ ସଭାପତି ମନୋଜ ସ୍ୱାଇଁ, ସିଆରସିସି ରୁବେନ ମଣ୍ଡଳ ଏହି କ୍ରୀଡା ମହୋତ୍ସବରେ ଯୋଗଦେଇଥିଲେ । ପିଲାମାନଙ୍କ ମଧ୍ୟରେ ଦୌଡ, ଲମ୍ବଡିଆ, ଉଚ୍ଚଡ଼ିଆ, ଜାଭେଲିନ ଥ୍ରୋ, କ୍ରିକେଟ, କବାଡି ଇତ୍ୟାଦି ବିଭିନ୍ନ ଖେଳର ପ୍ରତିଯୋଗିତା ଅନୁଷ୍ଠିତ ହୋଇଥିଲା । କ୍ରୀଡା ଶିକ୍ଷକ ସୁଶାନ୍ତ କୁମାର ପ୍ରଧାନଙ୍କ ପ୍ରତ୍ୟେକ୍ଷ ତତ୍ତ୍ୱାଧାନରେ ଖେଳ ଗୁଡିକ ସଂଚରିତ ହୋଇଥିଲା । ପ୍ରଧାନଶିକ୍ଷକ ରଘୁନାଥ ସେଠି ଅତିଥି ପରିଚୟ କରିଥିବା ବେଳେ ବରିଷ୍ଠ ଶିକ୍ଷକ ଭରତ ଚନ୍ଦ୍ର ଦାସ ଧନ୍ୟବାଦ ଅର୍ପଣ କରିଥିଲେ ।
