ଜି.ଉଦୟଗିରି: ସ୍ଥାନୀୟ କଳିଙ୍ଗ ମହାବିଦ୍ୟାଳୟରେ ଯୁବ ଓଡିଶା ନବୀନ ଓଡିଶା କାର୍ଯ୍ୟକ୍ରମରେ ଯୋଗ ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରକୁ ଅନୁଷ୍ଠାନ ଅଧ୍ୟକ୍ଷ ସୁଧାଂଶୁ ଶେଖର ମେହେର ଆନୁଷ୍ଠାନିକ ଭାବେ ଉଦଘାଟନ କରିଥିବାବେଳେ ପତଞ୍ଜଳି ଯୋଗ ସମିତି ଜିଲ୍ଲା ଯୋଗ ପ୍ରଭାରୀ ତଥା ଯୋଗଗୁରୁ ବଟକୃଷ୍ଣ ଦାଶ, ରାଜେନ୍ଦ୍ର ମହାପାତ୍ର, ଡ. ସତ୍ୟନାରାୟଣ ପଟ୍ଟନାୟକ ପ୍ରମୁଖ ଯୋଗ ଦେଇ ଯୋଗ ପ୍ରାଣାୟାମ ଉପକାରିତା ସହିତଯୋଗ ଶିକ୍ଷା ପ୍ରଦାନ କରିଥିଲେ । ଶତାଧିକ ଛାତ୍ରଛାତ୍ରୀ ଭସ୍ତ୍ରୀକା, କପାଳଭାତୀ, ବାହ୍ୟ,ଅନୁଲୋମ ବିଲୋମ, ଉଜ୍ଜୟୀ, ଭ୍ରାମରୀ , ଉଦଗୀତ, ପ୍ରଣବ ପ୍ରାଣାୟାମ ସହିତ ସୂକ୍ଷ୍ମ ବ୍ୟାୟାମ ଅଭ୍ୟାସ କରିଥିଲେ । ନୋଡାଲ ଅଫିସର ବିନାୟକ ବିଶ୍ୱାଳଙ୍କ ତତ୍ତ୍ୱାବଧାନରେ ଆୟୋଜିତ ଏହି କାର୍ଯ୍ୟକ୍ରମରେ ଅଧ୍ୟାପିକା ସରିତା ମିଶ୍ର,ଅଧ୍ୟାପକ ଦୂତୀକୃଷ୍ଣ ଖଣ୍ଡୁଆଳ,ବେଣୁଧର ସାହୁ ପ୍ରମୁଖ ସହଯୋଗ କରିଥିବା ବେଳେ ଅଧ୍ୟାପକ ସଂଗ୍ରାମ ପଣ୍ଡା ଧନ୍ୟବାଦ ଅର୍ପଣ କରିଥିଲେ ।
