ଦଶପଲ୍ଲା : ବାଣିଗୋଛା କଲେଜରେ ବାଇକ ଚୋରି । ଲୋକଙ୍କ ପାଟି ଶୁଣି ଚୋରମାନେ ଧରି ଆସିଥିବା ବାଇକ, ଓଡି ୨୭ବି ୨୪୪୦ ପଲସର ଛାଡି ଚମ୍ପଟ୍ ମାରିଛନ୍ତି । ଆଜି ଭୋର ସାଢେ ୪ଟା ବେଳେ ବାଣୀଗୋଛା କଲେଜର ସାଇଟଗେଟ ଭାଂଗି ଦୁର୍ବୃତ୍ତ ମାନେ କଲେଜ ପ୍ରିନ୍ସପାଲଙ୍କ ଓଡି ୦୨ ୮୮୫୭ ଆପାଚୀ ଗାଡି ଧରି ଚମ୍ପଟ ମାରିଛନ୍ତି । ସେହି ସମୟରେ ଲୋକମାନେ ଉଠିପଡିବାରୁ ଚୋରମାନେ ଆଣିଥିବା ନିଜ ଗାଡି ଛାଡି ପଳେଇ ଯାଇଛନ୍ତି । ପ୍ରକାଶ ଥାଉକି, ବାଣୀଗୋଛା ବଜାରରୁ ୧ମାସପୁର୍ବରୁ ଏକ ବାଇକ ଚୋରି ହୋଇଛି ଏବଂ ଗତବର୍ଷ ଏକ ଟ୍ରାକ୍ଟର ଚୋରି ହେଇଥିଲା ଏବଂ ୩ମାସ ପୂର୍ବରୁ ଏକ ମାକ୍ସପିକ୍ ଅପ୍ ଚୋରି ହୋଇଥିଲା । କଲେଜ ଷ୍ଟାଫ୍ ଭୋର ୫ଟାବେଳେ ଏଫ୍ ଆଇ ଆର୍ କରିଥିଲେ ମଧ୍ୟ ଖବର ଲେଖାଯିବା ପର୍ଯ୍ୟନ୍ତ ପୋଲିସ ତଦନ୍ତ ଆରମ୍ଭ କରିନାହିଁ ।
