ନନ୍ଦାହାଣ୍ଡି : ଆଜି ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ କାର୍ଯ୍ୟାଳୟଠାରେ ନୂତନ ଗୋଷ୍ଠୀ ଉନ୍ନୟନ ଅଧିକାରୀ କ୍ଷୀରଦ ଚନ୍ଦ୍ର ସାହୁଙ୍କୁ ନନ୍ଦାହାଣ୍ଡି ବ୍ଲକ ସାମ୍ବାଦିକ ସଙ୍ଘ ତରଫରୁ ସ୍ୱାଗତ ସମ୍ବର୍ଦ୍ଧନା ଜଣାଯାଇଥିଲା । ଏହି ଅବସରରେ ଦୀର୍ଘ ସମୟ ପର୍ଯ୍ୟନ୍ତ ବ୍ଲକର ବିଭିନ୍ନ ପ୍ରକାର ସମସ୍ୟା ଉପରେ ଆଲୋଚନା କରାଯାଇଥିଲା । କେତେକ ବିଷୟ ଉପରେ ସାମ୍ବାଦିକ ଭାଇମାନେ ବିଡ଼ିଓଙ୍କୁ ସୂଚନା ଦେଇଛନ୍ତି ଓ ବିଡ଼ିଓଙ୍କ ଠାରୁ ଅନେକ ପ୍ରତିଶୃତି ମଧ୍ୟ ପାଇଥିଲେ ଏବଂ ବିଡ଼ିଓ କହିବାନୁଯାୟୀ ସମସ୍ୟା ଦୂରକରିବା ପାଇଁ ସେ ସତ ପ୍ରତିଶତ ଚେଷ୍ଟା କରିବେ । ବର୍ତ୍ତମାନ ନନ୍ଦାହାଣ୍ଡି ବ୍ଲକରେ ଯୋଗ ଦେବାର ୪ ଦିନ ମଧ୍ୟରେ କିଛି କିଛି ସମସ୍ୟା ଉପରେ ଧ୍ୟାନ ଦେଇ ସାରିଛି । ସେହି ପରି ଆପଣ ମାନେ ବ୍ଲକର ବିଭିନ୍ନ ସମସ୍ୟା ଉପରେ ଖବର ମାଧ୍ୟମରେ ମୋ ନଜରକୁ ଆଣନ୍ତୁ ମୁଁ ନିଶ୍ଚିତ ଭାବରେ ତାହାର ସମାଧାନ କରିବି, ନନ୍ଦାହାଣ୍ଡି ବ୍ଲକର ସୌନ୍ଦର୍ଯ୍ୟ ନିମନ୍ତେ ଆଇ ଲୋଭ ନନ୍ଦାହାଣ୍ଡି କରିବା, ଖାଦ୍ୟ ଯୋଗାଣ ବିଭାଗର ଚାଉଳ, କିରସିନି, ଭତ୍ତା ବଣ୍ଟନ, ଆବାସ ଯୋଜନା ଭଳି ଅତି ଆବଶ୍ୟକ ଯୋଜନା ପ୍ରତି ଅଧିକ ଧ୍ୟାନ ଦେବା ପାଇଁ ଚେଷ୍ଟା କରିବି, ସେହିପରି ଲାଇନ ବିଭାଗର ସମସ୍ତ ସରକାରୀ ଅଧିକାରୀ ମାନେ ନବରଙ୍ଗପୁରରେ ରହୁଛନ୍ତି ସେମାନଙ୍କ ସହ ଶିଘ୍ର ଆଲଚନା କରାଯିବ ସେମାନେ ଯେପରି ବ୍ଲକ ପରିସର ମଧ୍ୟରେ ରହି ଲୋକ ମାନଙ୍କୁ ସରକାରୀ ସେବା ଯୋଗାଇ ଦେବେ । ୫-ଟି ବିଦ୍ୟାଳୟର ପୂର୍ବରୁ କେତେ ହୋଇ ସାରିଛି, ବର୍ତ୍ତମାନ କାମ ଚାଲିଛି ସରକାରଙ୍କ ନିର୍ଦ୍ଦେଶ ପ୍ରକାରେ କାର୍ଯ୍ୟ ହୋଇଛି କି ନାହିଁ ତାହାର ତଦାରଖ ମଧ୍ୟ କରାଯିବ ବୋଲି କହିଛନ୍ତି । ଏହି ସମୟରେ ବ୍ଲକ ଅଧ୍ୟକ୍ଷା ରଶ୍ମିତା ମାଝୀଙ୍କ ଉପସ୍ଥିତିରେ ଆଲୋଚନା କରାଯାଇଥିଲା । ଏହି ସ୍ୱାଗତ ସମ୍ବର୍ଦ୍ଧନା ସମୟରେ ନନ୍ଦାହାଣ୍ଡି ବ୍ଲକ ସାମ୍ବାଦିକ ପକ୍ଷରୁ ବୁଲୁ ପାଢ଼ୀ, ପ୍ରସାନ୍ତ କୁମାର ସାହୁ, ଶିବ ଶଙ୍କର ବିଷୋୟୀ , ବିଷ୍ଣୁ ବିଷୋୟୀ, ତପନ ତ୍ରିପାଠୀ , ରାମଚନ୍ଦ୍ର ବିଷୋୟୀ, ଶ୍ରୀନିବାସ ସତପଥି, ଦେବି ପ୍ରସାଦ ମହାପାତ୍ର, ଶୁର୍ବଜିତ ତ୍ରିପାଠୀ ଉପସ୍ଥିତ ଥିଲେ ।
