ସମ୍ବଲପୁର : ଏକ ନିଆରା ଢଙ୍ଗରେ ଗଙ୍ଗାଧର ମେହେର ବିଶ୍ୱବିଦ୍ୟାଳୟର ଛାତ୍ରଛାତ୍ରୀମାନେ ଆଲୋକର ପର୍ବ ଦୀପାବଳି ପାଳନ କରିଛନ୍ତି । ଏହାର ଏନଏସଏସ ଛାତ୍ରଛାତ୍ରୀମାନେ ସ୍ଥାନୀୟ ହୁମା ସ୍ଥିତ ବୀର ସୁରେନ୍ଦ୍ର ସାଏ ଜରାଶ୍ରମର ଅନ୍ତେବାସୀମାନଙ୍କ ସହ ଦିନ ସାରା ରହିଥିଲେ । ଏହି କାର୍ଯ୍ୟକ୍ରମକୁ ଡଃ ପ୍ରଦୋଷ ଆଚାର୍ଯ୍ୟ ଏବଂ ଡଃ ନୀନା ଦାଶ ପରିଚାଳନା କରିଥିଲେ । ଡଃ ସଂଯୁକ୍ତା ପାଢ଼ୀ ଏହି କାର୍ଯକ୍ରମରେ ଉପସ୍ଥିତ ରହି ପିଲାମାନଙ୍କୁ ଉତ୍ସାହିତ କରିଥିଲେ । ଉଲ୍ଲେଖଯୋଗ୍ୟ ଯେ ଏହି କାର୍ଯ୍ୟକ୍ରମ ବିଗତ ପାଞ୍ଚବର୍ଷ ଧରି ଜିଏମୟୁର ଏନଏସଏସ ପାଳନ ଏହି କାର୍ଯ୍ୟକ୍ରମକୁ କରି ଆସୁଅଛି । ସକାଳୁ ସ୍ଥାନୀୟ ଦୁର୍ଗାପାଲୀ ସ୍ଥିତ ଦୟାମଣି ଆଶ୍ରମରେ ଅନ୍ତେବାସୀ ମଧ୍ୟରେ ଫଳ ବଣ୍ଟା ଯାଇଥିଲା । ପରେ ହୁମା ଭିଏସଏସ ଜରାଶ୍ରମରେ ଭୋଜନ ଆୟୋଜନ ସହ ବସ୍ତ୍ରଦାନ ଏବଂ ଶେଷରେ ନିକଟସ୍ଥ ରୁକ୍ମଣୀ ଲାଠ ବାଳନିକେତନରେ ଛୋଟ ପିଲାମାନଙ୍କୁ ଖାତା, କଲମ, ପେନସିଲ,ରବର ଏବଂ ବିସ୍କୁଟ ବଣ୍ଟନ କରାଯାଇଥିଲା ।
