ପାରଳାଖେମୁଣ୍ଡି : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡିରେ ବିଭିନ୍ନ ବିଭାଗର ପଦାଧିକାରୀ ପଦବୀ ଖାଲି ପଡ଼ିଛି । କ୍ରୀଡ଼ା ଅଧିକାରୀ ପଦବୀ, ପର୍ଯ୍ୟଟନ ଅଧିକାରୀ ପଦବୀ, ମତ୍ସ୍ୟ ଅଧିକାରୀ ପଦବୀ, କ୍ଷୁଦ୍ର ଜଳସେଚନ ନିର୍ବାହୀ ଯନ୍ତ୍ରୀ ଏହିପରି ବିଭିନ୍ନ ବିଭାଗର ପଦବୀ ଖାଲି ପଡ଼ିଛି । ଏହାର ଦାୟିତ୍ୱ ଅନ୍ୟ ଅଧିକାରୀ ତୁଲାଉ ଥିବାର ଜଣାପଡ଼ିଛି । ଜିଲ୍ଲା କ୍ରୀଡ଼ା ଅଧିକାରୀ ନଥିବାରୁ ଏହାର ଦାୟିତ୍ୱ ତୁଲାଉଛନ୍ତି ସହକାରୀ ଜିଲ୍ଲାପାଳ ନଟବର ଗରଡ଼,ପର୍ଯ୍ୟଟନ ଅଧିକାରୀ ପଦବୀ ଖାଲି ପଡ଼ିଥିବାରୁ ରତିକାନ୍ତ ପଟ୍ଟନାୟକ ଗଞ୍ଜାମ ଓ ଗଜପତିର ଦାୟିତ୍ୱ ତୁଲାଉ ଥିବାର ଜଣାପଡିଛି । ସେହିପରି ମତ୍ସ୍ୟ ଅଧିକାରୀ ପଦବୀଟି ଖାଲି ପଡିଥିବା ବେଳେ ଅତିରିକ୍ତ ମତ୍ସ୍ୟ ଅଧିକାରୀ ଲିସା ବେହେରା ଦାୟିତ୍ୱ ତୁଲାଉଥିବାର ଜଣାପଡ଼ିଛି । ଜିଲ୍ଲା ମଙ୍ଗଳ ଅଧିକାରୀ ସନ୍ତୋଷ କୁମାର ରଥ,ଜିଲ୍ଲା ବୟନ ଓ ହସ୍ତ ଶିଳ୍ପ ଅଧିକାରୀଙ୍କ ଦାୟିତ୍ୱ ତୁଲାଉଥିବାର ଜଣାପଡ଼ିଛି । କ୍ଷୁଦ୍ର ଜଳସେଚନ ବିଭାଗର କାର୍ଯ୍ୟ ନିର୍ବାହୀ ଯନ୍ତ୍ରୀଙ୍କ ଅବସର ପରେ ବ୍ରହ୍ମପୁର କ୍ଷୁଦ୍ର ଜଳସେଚନ ବିଭାଗର କାର୍ଯ୍ୟ ନିର୍ବାହୀ ଅଧିକାରୀ ଜଗନ୍ନାଥ ଦାୟିତ୍ୱ ତୁଲାଉ ଥିବାର ଜଣାପଡ଼ିଛି । ରାଜ୍ୟ ସରକାର ଏଥିପ୍ରତି ଦୃଷ୍ଟି ଦେଲେ ଏହି ପଦବୀ ଗୁଡିକ ପୂରଣ ହେବା ସଙ୍ଗେ ସଙ୍ଗେ ଜିଲ୍ଲାର ବିକାଶ ହୋଇପାରିବ ବୋଲି ଆଶା କରାଯାଉଛି ।
