ଦଶପଲ୍ଲା: ଗତରାତି ୧୧:୩୦ ସମୟରେ ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ କୁଜାମେଣ୍ଢି ଗ୍ରାମ ପଞ୍ଚାୟତ ଅନ୍ତର୍ଗତ ଚାଞ୍ଚେରାପଲ୍ଲୀ ନିକଟରେ ଏକ ଗୁଳିବିଦ୍ଧ ମୃତ ବାରହାକୁ ଜବତ କରିଛି ବାଣୀଗୋଛା ବନବିଭାଗ ।
ଦଶପଲ୍ଲା ବନାଞ୍ଚଳ ଅଧିକାରୀ ସୁଦର୍ଶନ ଦେହୁରୀଙ୍କ ସୂଚନା ଅନୁସାରେ କାଲିରାତି ୧୧:୩୦ ମିନିଟ୍ ସମୟରେ କନ୍ଧମାଳ ଜିଲ୍ଲା ଆରଟିଓ ରେଜିଷ୍ଟ୍ରେସନ ଥିବା ଓଡି ୧୨ ଡି ୨୯୦୯ ନଂ ଏକ ବାଇକ୍ ଯୋଗେ ଏକ ଗୁଳିବିଦ୍ଧ ଆନୁମାନିକ (୮୦କେଜି) ମୃତ ବାରହାକୁ ବାଇକ୍ ଯୋଗେ ଚାଲାଣ କରାଯାଉଥିବା ବେଳେ ଏକ ବିଶ୍ୱସ୍ତ ସୂତ୍ରରୁ ଖବର ପାଇ ବାଣୀଗୋଛା ବନପାଳ ପ୍ରଦିପ କୁମାର ମାନସିଂହ ସଦଳବଳେ ଚଢ଼ାଉ କରି ବାଇକ୍ ଓ ବାରହାକୁ ଜବତ କରିଥିଲେ । ଅନ୍ଧାରର ସୁଯୋଗ ନେଇ ଅଭିଯୁକ୍ତମାନେ ବନବିଭାଗ ଅଧିକାରୀଙ୍କୁ ଚକମା ଦେଇ ଖସିଯାଇଥିଲେ । ଖବର ପାଇ ଦଶପଲ୍ଲା ବନାଞ୍ଚଳ ଅଧିକାରୀ ସୁଦର୍ଶନ ଦେହୁରୀ ମୃତ ବାରହା ଓ ବାଇକ୍କୁ ବାଣୀଗୋଛା ସେକ୍ସନ ଅଫିସ୍ ଆଣିଥିଲେ । ଡିଏଫ୍ଓ କ୍ଷମା ଷଡ଼ଙ୍ଗୀଙ୍କ ନିର୍ଦ୍ଦେଶକ୍ରମେ ବାଣୀଗୋଛା ଭିଏସ୍ଙ୍କ ତତ୍ୱାବଧାନରେ ବ୍ୟବଚ୍ଛେଦ କରାଯାଇ ସେକ୍ସନ କାର୍ଯ୍ୟାଳୟ ପରିସରରେ ମୃତ ବାରହାକୁ ପୋତି ଦିଆଯାଇଛି ।
