ପାଟଣାଗଡ଼ : ପାଟଣାଗଡ଼ ଥାନା କଣ୍ଟାବାଞ୍ଜି ରାସ୍ତାର ସାଲେପାଲି ଛକ ନିକଟରେ ଏକ ଅଜଣା ଗାଡି ଧକ୍କାରେ ୨ ଜଣ ବାଇକ ଆରୋହୀଙ୍କ ମୃତ୍ୟୁ ଘଟିଛି । ବାଇକରେ ଥିବା ଦୁଇ ଜଣଙ୍କ ମଧ୍ୟରୁ ଘଟଣା ସ୍ଥଳରେ ଜଣକର ମୃତ୍ୟୁ ଘଟିଥିଲା । ମୃତ ବ୍ୟକ୍ତି ମାନେ ହେଲେ ଖଡ଼ିଆଳ ଗାଁର ରୁବି ଭୋଇ ଏବଂ ସିନାପାଲି ହାତିବନ୍ଧଗାଁର କ୍ଷୀରସିନ୍ଧୁ କାଣ୍ଡ । ମିଳିଥିଲା ସୂଚନା ଅନୁସାରେ ରୁବି ମାଁର ଇନ୍ସୁରାନ୍ସ କାମ ପାଇଁ ଦୁହେଁ ବଲାଙ୍ଗୀରକୁ ଯାଇଥିଲେ । ସେଠାରେ କାମ ସାରି ମଧ୍ୟାହ୍ନ ସମୟରେ ଘରକୁ ଫେରୁଥିବା ବେଲେ ପାଟଣାଗଡ଼ -କଣ୍ଟାବାଞ୍ଜି ରାସ୍ତାର ସାଲେପାଲି ଛକ ନିକଟରେ ସାମ୍ନାପଟୁ ଆସୁଥିବା ଏକ ଅଜଣା ପିକଅପ ଭ୍ୟାନ ଧକ୍କା ଦେଇ ଫେରାର ହୋଇଥିଲା । ଫଳରେ ଘଟଣା ସ୍ଥଳରେ ହିଁ କ୍ଷୀରସିନ୍ଧୁ ର ମୃତ୍ୟୁ ହୋଇଥିବା ବେଲେ ଝିଅ ରୁବିକୁ ସ୍ଥାନୀୟ ଲୋକେ ଉଦ୍ଧାର କରି ପାଟଣାଗଡ଼ ଡାକ୍ତରଖାନାକୁ ଅଣୁଥିବା ବେଳେ ରାସ୍ତାରେ ରୁବିର ମୃତ୍ୟୁ ଘଟିଛି । ସୂଚନାଯୋଗ୍ୟଯେ ରୁବି ଓ ଖିରସିନ୍ଦୁଙ୍କ ବିବାହ ଆସନ୍ତା ମେ ମାସରେ ସ୍ଥିର ହୋଇଥିଲା । ପୁଲିସ ଘଟଣା ସ୍ଥଳରେ ପହଁଚି ଅଧିକ ତଦନ୍ତ ଜାରି ରଖିଛି ।
