ପୁରୀ : ପୁରୀର ମେରାଇନ ଥାନା ବାଲିଗୁଆଳି ବେଳାଭୂମିରୁ ଗତ ୨୬ ତାରିଖ ଜଣେ ଅଜଣା ଯୁବତୀଙ୍କ ମୃତଦେହ ଉଦ୍ଧାର ହୋଇଥିଲା । ତେବେ ଉକ୍ତ ଯୁବତୀ ଜଣଙ୍କ ହେଉଛନ୍ତି ମଧ୍ୟପ୍ରଦେଶର ସାଗରର ବାସିନ୍ଦା ପ୍ରହଲ୍ଲାଦ କୁସ୍ୱାଙ୍କ ଝିଅ ରାଧିକା କୁସ୍ୱା ବୋଲି ଜଣାପଡିଛି । ଗତ ୨୩ ତାରିଖ ରେ ପ୍ରହଲ୍ଲାଦ ତାଙ୍କ ଝିଅ ହୋଟେଲରୁ ନିଖୋଜ ହୋଇ ଯାଇଥିବା ସି ବିଚ୍ ଥାନାରେ ଏତଲା ଦେଇଥିଲେ । ପ୍ରହଲ୍ଲାଦ ତାଙ୍କ ପରିବାର ସହ ପୁରୀ ବୁଲି ବାକୁ ଆସି ପେଣ୍ଠକଟାରେ ଏକ ହୋଟେଲରେ ରହିଥିଲେ । ତେବେ ଗତ ୨୩ ତାରିଖ ସକାଳେ ରାଧିକା ହୋଟେଲ୍ରୁ କେଉଁଆଡେ ଚାଲି ଯାଇଥିବା ତାଙ୍କ ବାପା ପ୍ରହଲ୍ଲାଦ ଅଭିଯୋଗ କରିଥିଲେ । ତେବେ କେଉଁ ପରିସ୍ଥିତି ରେ ରାଧିକା ହୋଟେଲ୍ ଛାଡି ଚାଲି ଯାଇଥିଲେ, ସେ କେମିତି ସମୁଦ୍ରକୁ ଗଲେ, ରାଧିକା ଆତ୍ମହାତ୍ୟା କରିଛନ୍ତି କି ତାଙ୍କୁ କିଏ ହତ୍ୟା କରଛି ପୁଲିସ ସବୁ ଦିଗକୁ ନେଇ ତଦନ୍ତ ଆରମ୍ଭ କରିଛି । ରାଧିକାଙ୍କ ସହ ପରିବାର ଲୋକଙ୍କ କିଛି ଝଗଡା ଥିଲା ନା କୌଣସ ପ୍ରେମ ସମ୍ପର୍କକୁ ନେଇ ତାଙ୍କ ପରିବାର ସହ ରାଧିକା ଝଗଡା କରି ଆତ୍ମହତ୍ୟା କରିଛନ୍ତି ସେ ନେଇ ମଧ୍ୟ ପୁରୀ ପୋଲିସ୍ ତଦନ୍ତ ଆରମ୍ଭ କରିଛି । ସେପଟେ ରାଧିକାକୁ ଅପହରଣ କରାଯାଇ ତାଙ୍କୁ ହତ୍ୟା କରାଯାଇଥିବା ବାପା ପ୍ରହଲ୍ଲାଦ ସନ୍ଦେହ କରୁଛନ୍ତି । ପୁରୀ ପୋଲିସ୍ ସବୁ ଅଭିଯୋଗ ଉପରେ ତଦନ୍ତ କରୁଛି ।
