ପୁରୀ :ପୁରୀ ବେଳାଭୂମିର ହେବ ସମ୍ପୂର୍ଣ୍ଣ ନବକଳେବର । ପର୍ଯ୍ୟଟନ ସହର ପୁରୀରେ ବିଭିନ୍ନ ବିକାଶ ଓ ଉନ୍ନୟନମୂଳକ କାମ ଚାଲିଥିବା ବେଳେ ପୁରୀ ବେଳାଭୂମି ଏଥିରୁ ବାଦ୍ ପଡିନାହିଁ । ଏଥର ପୁରୀ ବେଳାଭୂମିରେ ସମ୍ପୂର୍ଣ୍ଣ ନିଆରା ଅନୁଭୂତି ସାଉଁଟିବେ ଭକ୍ତ, ଶ୍ରଦ୍ଧାଳୁ ଓ ପର୍ଯ୍ୟଟକ । ସମୁଦ୍ରରେ ସ୍ନାନ କରିବା ସହ ପାଇବେ ଅନ୍ୟାନ୍ୟ ସୁବିଧା ସୁଯୋଗ । ପ୍ରାଥମିକ ଭାବେ ସ୍ୱର୍ଗଦ୍ୱାର ବେଳାଭୂମି ପର୍ଯ୍ୟନ୍ତ ବିକାଶ ହେବାସହ ଗାଡି ରଖିବା ପାଇଁ ତିନୋଟି ଜାଗାରେ ପାର୍କିଂ ବ୍ୟବସ୍ଥା ମଧ୍ୟ କରାଯିବ । ପ୍ରାୟ ୧୨୦ କୋଟି ଟଙ୍କା ବ୍ୟୟରେ ଏହି ବିକାଶ କାର୍ଯ୍ୟ ହେବାକୁ ଥିବାବେଳେ ଆଗକୁ ରାସ୍ତା ସଂପ୍ରସାରଣ କରାଯିବା ସହ କୌଣସି ଉଠାଦୋକାନୀ ବ୍ୟବସାୟୀଙ୍କୁ ସେମାନଙ୍କ ଯାଗାରୁ ହଟାଯିବ ନାହିଁ ବୋଲି ଜିଲ୍ଲାପାଳ ସମର୍ଥ ବର୍ମା ସୂଚନା ଦେଇଛନ୍ତି ।
