ଖପ୍ରାଖୋଲ : ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ୍ ଅନ୍ତର୍ଗତ କରୁଆଁଝର ପଞ୍ଚାୟତ ଝଲିଆଲିଟି ଅଙ୍ଗନୱାଡି କେନ୍ଦ୍ରକୁ ସମନ୍ୱିତ ଶିଶୁ ବିକାଶ କେନ୍ଦ୍ର ତରଫରୁ କରୁଆଁଝର ପଞ୍ଚାୟତ ର ଏହି ଅଙ୍ଗନୱାଡି କେନ୍ଦ୍ରକୁ ମୋଡେଲ କେନ୍ଦ୍ର କରାଯାଇଛି । ଏହି କେନ୍ଦ୍ର କୁ ଖପ୍ରାଖୋଲ ବିଡିଓ ରଶ୍ମିରଞ୍ଜନ ରାଉତ ଉଦଘାଟନ କରିଥିଲେ । ସୂଚନା ଅନୁସାରେ ୨୧ଟି ଗ୍ରାମପଞ୍ଚାୟତ ପାଇଁ ଗୋଟିଏ ଲେଖାଏଁ ମୋଡେଲ କେନ୍ଦ୍ର କରାଯାଇଛି । ସେହି କେନ୍ଦ୍ର ଅନ୍ୟ କେନ୍ଦ୍ର ମାନଙ୍କର ପ୍ରେରଣାର ଉତ୍ସ ହୋଇପାରିବ । ଏହି କାର୍ଯ୍ୟକ୍ରମରେ ଖପ୍ରାଖୋଲ ସିଡିପିଓ ସୁଜାତା ଦୋରା , ସୁପରଭାଇଜର ଅଞ୍ଜଳୀ ମିଶ୍ର ଓ ଅଙ୍ଗନୱାଡି କର୍ମୀ ଉପସ୍ଥିତ ରହିଥିଲେ । ପରେ ବିଡିଓ ଚାଉଲଡିଆ ଗ୍ରାମ ଠାରେ ନିର୍ମିତ ପାଠାଗାର କୁ ମଧ୍ୟ ଉଦଘାଟନ କରିଥିଲେ । ଶିକ୍ଷିତ ଯୁବକଯୁବତୀ ବିଭିନ୍ନ ପୁସ୍ତକ ଅଧ୍ୟୟନ କରି ଜ୍ଞାନଅର୍ଜନ କରିବା ପାଇଁ ଏହି ପାଠାଗାର ସହାୟକ ହେବ ବୋଲି ବୁଦ୍ଧିଜୀବୀମାନେ ମତ ରଖିଛନ୍ତି । ଏହି କାର୍ଯ୍ୟକ୍ରମରେ କରୁଆଁଝର ସରପଞ୍ଚ ତପସ୍ୱିନୀ ସାହୁ, ସହକାରୀ ଯନ୍ତ୍ରୀ ମହେଶ ଲାଲ ଅଗ୍ରୱାଲ, କନିଷ୍ଠ ଯନ୍ତ୍ରୀ ରାଜକିଶୋର ନାଏକ, ଏପିଓ ପ୍ରଶାନ୍ତ ସାହୁ, ଏସିପି ରାମାନନ୍ଦ ବେହେରା, ପଞ୍ଚାୟତ ନିର୍ବାହୀ ଅଧିକାରୀ ମନୋଜ କୁମାର ସାହୁ ଓ ଗ୍ରାମବାସୀ ଉପସ୍ଥିତ ରହିଥିଲେ ।
