ଭୁବନେଶ୍ୱର : ଜମିବାଡିକୁ କେନ୍ଦ୍ର କରି ରାଜଧାନୀରେ ଦିନ ଦ୍ୱିପ୍ରହରରେ ହଣାକଟା । ରସୁଲଗଡ଼ ଛକରେ ଜଣଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ । ଫଳରେ ବିମ୍ବାଧର ଜେନା ନାମକ ଜଣେ ଗୁରୁତର ହୋଇଛନ୍ତି । ତାଙ୍କ ମୁଣ୍ଡରେ ଗଭୀର ଆଘାତ ଲାଗିଛି । ଗୁରୁତର ଅବସ୍ଥାରେ ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି।
ସୂଚନା ଥାଉକି, ଗୁରୁତର ହୋଇଥିବା ବିମ୍ବାଧର ହେଉଛନ୍ତି ସ୍ଥାନୀୟ ଅଞ୍ଚଳରେ । ତେବେ ରସୁଲଗଡ଼ ଛକରେ ତାଙ୍କର ଗୋଟିଏ ହୋଟେଲ ରହିଛି । ସେପଟେ ବିମ୍ୱାଧରଙ୍କୁ ଆକ୍ରମଣ କରିଥିବା ବ୍ୟକ୍ତି ହେଉଛନ୍ତି ରସୁଲଗଡ଼ ଗାଁର ଦିପୁ ବଳିୟାରସିଂ । ପୋଲିସ ଏହି ଘଟଣାରେ ଜଣଙ୍କୁ ଅଟକ ରଖି ପଚରାଉଚରା କରୁଛି । ତେବେ ଏଭଳି ବିଭତ୍ସ କାଣ୍ଡ ପଛରେ ଜମିବାଡି ମାମଲା ଥିବା ଜଣାପଡିଛି । ଆଗକୁ ପୋଲିସ ତଦନ୍ତ ପରେ ସବୁକିଛି ସ୍ପଷ୍ଟ ହେବ ।
