ଖପ୍ରାଖୋଲ : ରାଜ୍ୟ ଗୃହ ନିର୍ମାଣ ନିଗମ ଅଧକ୍ଷ ତଥା ପୂର୍ବତନ ସାଂସଦ କଳିକେଶ ନାରାୟଣ ସିଂ ଦେଓ ବୁଧବାର ଖପ୍ରାଖୋଲ ଅଂଚଳ ଗ୍ରସ୍ତ କରିଥିଲେ । ବ୍ଲକର ବିଭିନ୍ନ ଗାଁ ଗ୍ରସ୍ତ କରିଥିବା ବେଳେ ବିଜୁ ଜନତା ଦଳ ତରଫରୁ ତଥା ସ୍ଥାନୀୟ ଜନସାଧାରଣ ଭବ୍ୟ ସ୍ୱାଗତ କରିଥିଲେ । ଏହି ଅବସରରେ ଧଣ୍ଡାମୁଣ୍ଡା ଗାଁରେ ହାଇସ୍କୁଲ ଛକଠାରୁ ପଂଚାୟତ ଅଫିସ ପର୍ଯ୍ୟନ୍ତ ପାଛୋଟି ନେଇଥିବା ବେଳେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା । ସଭାରେ ସ୍ଥାନୀୟ ସରପଞ୍ଚ ବୈଦ୍ୟନାଥ ମିଶ୍ର ଅଧ୍ୟକ୍ଷତା କରି ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ । ଏହି ଅବସରରେ ୭ ଜଣ ନୂତନ ମଧୁବାବୁ ପେନସନ ହିତାଧିକାରୀଙ୍କୁ ଭତ୍ତା ବଣ୍ଟନ କରିଥିଲେ । ଧଣ୍ଡାମୁଣ୍ଡାରେ ଏକ କଲ୍ୟାଣ ମଣ୍ଡପ ପ୍ରତିଷ୍ଠା କରିବା ପାଇଁ ସ୍ଥାନୀୟ ଲୋକେ ଦାବି କରିଥିବା ବେଳେ ଅଧକ୍ଷ ନିର୍ମାଣ ପାଇଁ ପ୍ରତିଶୃତି ଦେଇଥିଲେ । ଏହି ଅବସରରେ ଅନ୍ୟ ମାନଙ୍କ ମଧ୍ୟରେ ପିକୁ ପାଣିଗ୍ରାହୀ, ଆଲୋକ ପାଣିଗ୍ରାହୀ, ପଞ୍ଚୁଦେବ ସାହୁ, ତରଣୀ ସାହୁ, ଅବିନାଶ ବିଶ୍ୱାଳ, ସଂଜୀବ ମିଶ୍ର, ଶୋଭନ ମିଶ୍ର ପ୍ରମୁଖ ଶତାଧିକ ବିଜେଡି କର୍ମୀ ଉପସ୍ଥିତ ଥିଲେ । ଏହି ଅବସରରେ ଖପ୍ରାଖୋଲ, ଓଡ଼ିଆପାଲି, କପସିପାଲି, ଚଙ୍ଗରିଆ, ରେଙ୍ଗାଳଜୁରି, ଭାଲୁଡୁଙ୍ଗୁରି ପ୍ରମୁଖ ଗାଁରେ ଭବ୍ୟ ସ୍ୱାଗତ କରିଥିଲା ।
