ଦଶପଲ୍ଲା : ଦାଣ୍ଡରେ ପଡି ହାଟରେ ଗଡୁଛି ନୂଆଗାଁ ବିଜେଡିର ଗୋଷ୍ଠୀ କନ୍ଦଳ । ନୟାଗଡ ଜିଲ୍ଲା ନୂଆଗାଁ ବ୍ଲକ ସଦର ମହକୁମା ସମବାୟ ସମିତି ସଭାପତି ନିର୍ବାଚନରେ ବିଜେଡିର ଗୋଷ୍ଠୀ କନ୍ଦଳ ପଦାରେ ପଡିଥିବା ଦେଖିବାକୁ ମିଳିଛି । ସଭାପତି ଆସନ ନିମନ୍ତେ ଦୁଇ ଜଣ ପ୍ରତିଦ୍ୱନ୍ଦୀ ନାମାଙ୍କନ ଦାଖଲ କରିଥିବାବେଳେ ନୂଆଗାଁ ପଞ୍ଚାୟତ ବିଜେଡି ସଭାପତି ଏଥିରେ ପରାଜିତ ହୋଇଛନ୍ତି । ସଭାପତି ପଦବୀ ପାଇଁ ପାଣୁ ଚରଣ ଖଣ୍ଟୁଆଳ ଏବଂ ପ୍ରକାଶ କୁମାର ନାୟକ ନାମାଙ୍କନ ଦାଖଲ କରିଥିଲେ । ଏଥିରେ ପାଣୁ ଚରଣ ଖଣ୍ଟୁଆଳ ୯ଟି ଭୋଟ୍ ପାଇ ବିଜୟୀ ହୋଇଥିବାବେଳେ ନୂଆଗାଁ ପ୍ରକାଶ କୁମାର ନାୟକ ୬ଟି ଭୋଟ ପାଇ ପରାଜିତ ହୋଇଛନ୍ତି । ଏହି ନିର୍ବାଚନରେ ବ୍ଲକ ସଦର ମହକୁମାରେ ବିଜେଡିରେ ଗୋଷ୍ଠୀ କନ୍ଦଳ ବଢିଥିବା ସ୍ପଷ୍ଟ ଭାବେ ବାରି ହୋଇପଡୁଛି । ତେବେ ଦେଖିବାକୁ ବାକିରହିଲା, ଆଗକୁ କ’ଣ ହଉଚି… ।
