କଟକ: ମୋକିମ ଫାଉଣ୍ଡେସନ ପକ୍ଷରୁ “ଆଭାସ -୨୦୨୩” ସିଡିଏ-ମର୍କତନଗର ଅଞ୍ଚଳର ବରିଷ୍ଠ ନାଗରିକମାନଙ୍କୁ ନେଇ ଏକ ବନ୍ଧୁମିଳନ କାର୍ଯ୍ୟକ୍ରମ ସିଡିଏସ୍ଥିତ ୱିଣ୍ଡସର ପ୍ୟାଲେସ ଠାରେ ଅନୁଷ୍ଠିତ ହୋଇଯାଇଛି । ଏଥିରେ ସିଡିଏ-ମର୍କତନଗର ଅଞ୍ଚଳର ସମସ୍ତ ବରିଷ୍ଠ ନାଗରିକ କ୍ଲବ, ଆବାସିକ ସଂଘର ବରିଷ୍ଠ ନାଗରିକମାନେ ଅଂଶ ଗ୍ରହଣ କରିଥିଲେ । ଏହି ବନ୍ଧୁମିଳନ କାର୍ଯ୍ୟକ୍ରମରେ ନାଗରିକମାନେ ସଂଗୀତ, ନାଚ ସହ ନିଜ ନିଜ ଜୀବନର ଅନୁଭୂତି ବିଷୟରେ ଆଲୋଚନା କରିଥିଲେ । ମୋକିମ ଫାଉଣ୍ଡେସନର ପ୍ରତିଷ୍ଠାତା ବିଧାୟକ ମହମ୍ମଦ ମୋକିମ ଉପସ୍ଥିତ ରହି ସମସ୍ତ ବରିଷ୍ଠ ନାଗରିକମାନଙ୍କୁ ଧନ୍ୟବାଦ ଦେବା ସହ ସଂଗୀତ, ନାଚ ପରିବେଷଣ କରିଥିବା ବନ୍ଧୁମାନଙ୍କୁ ପୁରସ୍କୃତ କରିଥିଲେ । ଶେଷରେ ଫାଉଣ୍ଡେସନର ଟ୍ରଷ୍ଟି ଯୁବ ସମାଜସେବୀ ମହମ୍ମଦ ଅଲିମ ଧନ୍ୟବାଦ ଦେବା ସହ ଏହି ଭଳି କାର୍ଯ୍ୟକ୍ରମ କଟକ ସହରର ଅନ୍ୟ ଅଞ୍ଚଳମାନଙ୍କରେ କରାଯିବ ବୋଲି କହିଥିଲେ । ବରିଷ୍ଠ ନାଗରିକ ମାନଙ୍କ ମଧ୍ୟରେ ବରିଷ୍ଠ ସାମ୍ବାଦିକ ଅରୁଣ କୁମାର ପଣ୍ଡା, ସମାଜର ପୂର୍ବତନ ସଂପାଦକ ସତ୍ୟ ରାୟ, ଲେଖକ କିଶୋର ଶତପଥି, କ୍ରିମିନାଲ ବାର ଅସେନାନ ସଭାପତି ଆଇନଜୀବୀ ଧୃବ ରାଉତ, ଆଇନଜୀବୀ ଅକ୍ଷୟ ନାୟକ, ଦେବେନ୍ଦ୍ର ସୁତାର ପ୍ରମୁଖ ମୋକିମ ଫାଉଣ୍ଡେସନର ସମସ୍ତ ଜଣ କଲ୍ୟାଣ କାର୍ଯ୍ୟ ପାଇଁ ସାଧୁବାଦ ଜଣାଇଥିଲେ । ଅନ୍ୟମାନଙ୍କ ମଧ୍ୟରେ ଆଇନଜୀବୀ ଗିରିବାଳା ବେହେରା, ଜେଡିପି ଆଚାର୍ଯ୍ୟ, ଯଶବନ୍ତ ବେହେରା, ଆଇନଜୀବୀ ଶୈଳବାଳା ଜେନା, ଆଇନଜୀବୀ କମରୁଲ ହୁସେନ, ଗିରିଜା ପଟ୍ଟନାୟକ, ଆଇନଜୀବୀ ପ୍ରକାଶ କୁମାର ବାରିକ, ଆଇନଜୀବୀ ରମେଶ ଚନ୍ଦ୍ର ଦାସ, ସରୋଜ ମିଶ୍ର, ପ୍ରଦୀପ୍ତ କୁମାର ଶତପଥି, ମଞ୍ଜୁ ମିଶ୍ର, ପ୍ରଫୁଲ୍ଲ କୁମାର ସାହୁ, କେ ମଲ୍ଲିକ, ପ୍ରମିଳା ଦାସ ବର୍ମା, କେ କେ ଦାସ ବର୍ମା, ବାବାଜୀ ପଟ୍ଟନାୟକ, ଆଇନଜୀବୀ ରମେଶ ବେହେରା, ଆଇନଜୀବୀ ନିତ୍ୟାନନ୍ଦ ରାଉତରାୟ, ଆଇନଜୀବୀ ସରୋଜ ମିଶ୍ର ବାସୁଦେବ ମିଶ୍ର, ଦୟାନିଧି ଲେଙ୍କା, ମାନସ ପଟ୍ଟନାୟକ, ପ୍ରଫୁଲ୍ଲ ପ୍ରଧାନ, ନିତ୍ୟାନନ୍ଦ ବେଉରିଆ, ରବି ମିଶ୍ର, ଦୂର୍ଗା ଶେଠୀ, ପରୀକ୍ଷିତ ସାହୁ ପ୍ରମୁଖ ଅଂଶ ଗ୍ରହଣ କରି ଏହି ବନ୍ଧୁମିଳନ କାର୍ଯ୍ୟକ୍ରମକୁ ସଫଳ କରିଥିଲେ ।
